മറിഞ്ഞ ഓട്ടോറിക്ഷയിൽനിന്ന്​ പുക ഉയർന്നത് പരിഭ്രാന്തി പരത്തി

തിരുവല്ല: തിരുവല്ല-കായംകുളം സംസ്ഥാന പാതയിലെ കാവുംഭാഗത്ത് തലകീഴായി മറിഞ്ഞ ഓട്ടോറിക്ഷയിൽനിന്ന്​ പുക ഉയർന്നത് പരിഭ്രാന്തി പടർത്തി. ശനിയാഴ്ച ഉച്ചയ്ക്ക് രണ്ടുമണിയോടെയായിരുന്നു സംഭവം. പൊടിയാടി ഭാഗത്തുനിന്ന് വന്ന ഓട്ടോയാണ് അപകടത്തിൽപ്പെട്ടത്. തലകീഴായി മറിഞ്ഞ ഓട്ടോയിൽനിന്ന്​ ശക്തമായ പുക ഉയർന്നു. അപകടത്തെ തുടർന്ന് റോഡിൽ അരമണിക്കൂറോളം ഗതാഗതം തടസ്സപ്പെട്ടു. അപകടത്തിൽ ആർക്കും പരിക്കില്ല.