Begin typing your search above and press return to search.
exit_to_app
exit_to_app
Posted On
date_range 5 Feb 2022 5:42 AM IST Updated On
date_range 5 Feb 2022 5:42 AM ISTനഗരസഭ സ്ഥലത്ത് വാഹനത്തിന് തീപിടിച്ചു; അഗ്നിരക്ഷാസേന അണച്ചു
text_fieldsbookmark_border
അടൂർ: റവന്യൂ ടവറിനുസമീപം നഗരസഭ സ്ഥലത്ത് വീണ്ടും വാഹനത്തിന് തീപിടിച്ചു. മാലിന്യം ശേഖരിക്കുന്നതിന് നഗരസഭ വാടകക്കെടുത്ത ലോറിയാണ് കത്തിയത്. വൈകീട്ട് 6.30നായിരുന്നു അപകടം. അടൂരിൽനിന്ന് സ്റ്റേഷൻ ഓഫിസർ വിനോദ് കുമാർ, ഗ്രേഡ് അസിസ്റ്റന്റ് സ്റ്റേഷൻ ഓഫിസർ സജീവ് കുമാർ എന്നിവരുടെ നേതൃത്വത്തിൽ അഗ്നിരക്ഷാസേന സ്ഥലത്ത് എത്തിയപ്പോൾ ലോറിയുടെ ബാറ്ററി പുകയുകയായിരുന്നു. ഷോർട്ട് സർക്യൂട്ടാണെന്നാണ് പ്രാഥമിക നിഗമനം. ബാറ്ററിബന്ധം വിച്ഛേദിച്ച് തീയണച്ചു. ലോറിയിൽ ഉപയോഗശൂന്യമായ പ്ലാസ്റ്റിക് കന്നാസുകളും കവറുകളും ഉണ്ടായിരുന്നു. കഴിഞ്ഞയാഴ്ച ഇവിടെ പാർക്ക് ചെയ്തിരുന്ന കാറിനും ആരോഗ്യ വകുപ്പിന്റെ സഞ്ചാരയോഗ്യമല്ലാത്ത വാഹനത്തിനും തീപിടിച്ചിരുന്നു. PTL ADR Fire അടൂരിൽ ലോറിക്ക് തീപിടിച്ചപ്പോൾ അഗ്നിരക്ഷാസേന പ്രവർത്തിക്കുന്നു
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story
