മൂർഖൻപാമ്പിനെ പിടികൂടി

പന്തളം: നാടുവിറപ്പിച്ച മൂർഖൻ പാമ്പിനെ പിടികൂടി. പന്തളം എൻ.എസ്.എസ് ഗേൾസ് ഹൈസ്കൂളിന്​ സമീപത്തെ ഇടവഴിയിൽ വ്യാഴാഴ്ച രാത്രി പത്തോടെ റോഡിന്​ കുറുകെ മൂർഖനെ കണ്ട നാട്ടുകാർ പൊലീസിനെ അറിയിക്കുകയായിരുന്നു. റാന്നി ഫോറസ്റ്റ് ഓഫിസിൽ വിവരമറിയിച്ചതിനെത്തുടർന്ന് പാമ്പുപിടുത്തക്കാരൻ ശ്യാം ജോൺ പൂമാല എത്തി അഞ്ചടിയോളം നീളമുള്ള ഇതിനെ സഞ്ചിയിലാക്കുകയായിരുന്നു. തിരക്കേറിയ എം.സി റോഡിൽ പാമ്പിനെ പിടിക്കുന്നത് കാണാൻ വൻ ജനക്കൂട്ടമാണ് എത്തിയത്. ഫോട്ടോ: പന്തളം എൻ.എസ്.എസ് ഗേൾസ് ഹൈസ്കൂളിനെ സമീപം മൂർഖൻപാമ്പിനെ പാമ്പുപിടിത്തക്കാരൻ ശ്യാം ജോൺ പിടികൂടുന്നു