അടൂരിൽ നഗരമധ്യത്തിൽ കുഴികൾ: ഒരുവർഷമായിട്ടും അനങ്ങാതെ ജല അതോറിറ്റിയും പൊതുമരാമത്തും

അടൂർ: നഗരമധ്യത്തിൽ സംസ്ഥാനപാതയിലെ കുഴികൾ അപകടത്തിനിടയാക്കുന്നു. അടൂർ ഹോളിക്രോസ് ജങ്ഷനിലും യമുന പെട്രോൾപമ്പിന് മുന്നിലും വൺവേ തുടങ്ങുന്നിടത്തുമുള്ള കുഴികൾ ഒരു വർഷത്തിലേറെയായിട്ടും നികത്തിയില്ല. ടാർ റോഡ് കുഴിച്ച് അപകടമുണ്ടാക്കുന്ന ജല അതോറിറ്റിയും പഴിചാരുന്ന പൊതുമരാമത്തും ജനങ്ങളെ വട്ടം കറക്കുകയാണ്. കെ.എസ്.ആർ.ടി.സി ബസ്​സ്റ്റാൻഡിന് സമീപം അടുത്തിടെ ടാർ ചെയ്ത പാതയിൽ പൈപ്പ് പൊട്ടിയത് നന്നാക്കാൻ കുഴിച്ചിട്ടിരിക്കുകയാണ്. പൈപ്പിടാൻ കുഴിച്ച കുഴികൾ പൂർവസ്ഥിതിയിൽ ആക്കാത്തതിനാൽ നിരവധി അപകടങ്ങളാണ് ഇവിടങ്ങളിൽ ഉണ്ടായത്. ഇതിനകം 20ലേറെപ്പേർക്ക് പരിക്കേറ്റിട്ടുണ്ട്. അനുബന്ധ പാതകളും നഗരത്തിലെ മറ്റ്​ പാതകളും സഞ്ചാരയോഗ്യമാക്കിയിട്ടും ഇവിടത്തെ കുഴിയടക്കാൻ പോലും പൊതുമരാമത്ത് അധികൃതർ തയാറാകുന്നില്ല. PTL ADR Road 1. അടൂർ യമുന പെട്രോൾ പമ്പിന് മുന്നിൽ വൺവേ തുടങ്ങുന്നിടത്തെ കുഴികൾ 2. കെ.എസ്.ആർ.ടി.സി ബസ് സ്റ്റാൻഡിന് സമീപം ജല അതോറിറ്റി പൈപ്പ് പൊട്ടിയപ്പോൾ