നവീകരിച്ച അംബേദ്‌കർ റോഡ് തകർന്നു

വടശ്ശേരിക്കര: തദ്ദേശ റോഡ് വികസന പദ്ധതിയിൽ 19 ലക്ഷം രൂപ ചെലവഴിച്ച്​ റീ ടാറിങ് ചെയ്ത കുടമുരുട്ടി അംബേദ്‌കർ റോഡ്​ ഒരാഴ്ചക്കകം പൊളിഞ്ഞിളകി. ആവിശ്യത്തിന് ടാറും മെറ്റലും ഉപയോഗിക്കാതെയാണ് പുനർനിർമാണം നടത്തിയതെന്ന് തുടക്കത്തിലേ പരാതിയുണ്ടായിരുന്നു. രാത്രിയുടെ മറവിൽ ടാറിങ് നടത്തി പാറപ്പൊടിയിട്ട് റോഡ് മറച്ച്​ ആദ്യദിവസം വാഹനങ്ങൾ ഓടിത്തുടങ്ങിയപ്പോൾ തന്നെ റോഡ് ഇളകാൻതുടങ്ങി. നിരവധി പരാതികൾ ഉയർന്നിട്ടും കരാറുകാരനെതിരെ നടപടിയെടുക്കാൻ അധികൃതർ തയാറായില്ല.