യുവതിയെ കടന്നുപിടിച്ച യുവാവ്​ അറസ്റ്റിൽ

തിരുവല്ല: യുവതിക്കുനേരെ നഗ്നത പ്രദർശനം നടത്തുകയും കടന്നുപിടിക്കുകയും ചെയ്ത യുവാവ് തിരുവല്ല പൊലീസിന്‍റെ പിടിയിലായി. പെരുംതുരുത്തി നടുവിലേത്തറ വീട്ടിൽ അരുൺ (24) ആണ് പിടിയിലായത്. വെള്ളിയാഴ്ച വൈകീട്ട് നാലുമണിയോടെ പെരുംതുരുത്തി ജങ്​ഷന് സമീപമാണ് കേസിനാസ്പദമായ സംഭവം. ജോലി കഴിഞ്ഞ് മടങ്ങുകയായിരുന്ന യുവതിക്ക് നേരേ അരുൺ നഗ്നത പ്രദർശിപ്പിക്കുകയും തുടർന്ന് കടന്നു പിടിക്കുകയുമായിരുന്നു. പ്രതിയെ റിമാൻഡ്​ ചെയ്തു. അരുൺ സമാനമായ നിരവധി കേസുകളിൽ പ്രതിയാണെന്ന് പൊലീസ് പറഞ്ഞു.