ഫണ്ട് അനുവദിച്ചിട്ടും റോഡ് നന്നാക്കിയില്ല; ഒപ്പ് ശേഖരണം നടത്തി

അടൂർ: സർക്കാർ ഫണ്ട് അനുവദിച്ചിട്ടും റോഡ് നന്നാക്കാൻ നടപടിയെടുക്കാത്തതിനെതിരെ കെ.എസ്.കെ.ടി.യു ഒപ്പ് ശേഖരണം നടത്തി. മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി ഏഴംകുളം പഞ്ചായത്തിലെ തൊടുവക്കാട് - മുരുകൻകുന്ന് റോഡ് , തെങ്ങുവിളപ്പടി - വല്യാങ്കുളം റോഡ് എന്നിവയുടെ നവീകരണത്തിന് സർക്കാർ ഫണ്ട് അനുവദിച്ചിരുന്നു. കഴിഞ്ഞ സാമ്പത്തിക വർഷം അനുവദിച്ച ഫണ്ടാണ് കരാറുകാരുടെയും എൽ.എസ്.ജി.ഡി. ഉദ്യോഗസ്ഥരുടെയും നിഷേധസമീപനം മൂലം പൂർത്തീകരിക്കാൻ കഴിയാതെ വന്നത്. റോഡുകളുടെ നിർമാണം എത്രയും വേഗം പൂർത്തീകരിക്കണമെന്ന്​ ആവശ്യപ്പെട്ട്​കെ.എസ്.കെ.ടി.യു മുരുകൻകുന്ന്, പനവിള യൂനിറ്റുകൾ എൽ.എസ്.ജി.ഡി. എ.ഇക്ക് നിവേദനം നൽകി.