പെരുന്നാളിന് കൊടിയേറി

വടശേരിക്കര: വി. മർത്തമറിയം ഓർത്തഡോക്സ് തീർഥാടന പള്ളിയിൽ പെരുന്നാളിന് വികാരി എബ്രഹാം സാമുവേൽ കൊടിയേറ്റി. 30ന് സമാപിക്കും. 30ന് രാവിലെ ഏഴിന് മൂന്നിന്മേൽ കുർബാനക്ക്​ ഫാ. മത്തായി ഒ.ഐ.സി, ഫാ. എബി വർഗീസ്, ഫാ. എബ്രഹാം സാമുവേൽ എന്നിവർ കാർമികത്വം വഹിക്കും. മൗണ്ട് താബോർ ദയറ സ്ഥാപനങ്ങളുടെ മദർ സുപ്പീരിയറായി നിയമിതയായ ഇടവകാംഗം വലിയതറയിൽ സിസ്റ്റർ ജൂലിയാനക്ക്​ അനുമോദനം നൽകും. കോവിഡ് പ്രോട്ടോകോൾ നിലവിലുള്ളതിനാൽ വചനപ്രഘോഷണവും പ്രദക്ഷിണവും ഒഴിവാക്കി.