'ദീർഘദൂര ബസ്​ സർവിസ്​ പുനരാരംഭിക്കണം'

കൊടുമൺ: പത്തനംതിട്ടയിൽനിന്ന് ചന്ദനപ്പള്ളി, കൊടുമൺ വഴി തിരുവനന്തപുരത്തിനും പുനലൂരിൽനിന്ന് ഏഴംകുളം, കൊടുമൺ, ചന്ദനപ്പള്ളി വഴി എറണാകുളത്തേക്കും ഉണ്ടായിരുന്ന കെ.എസ്.ആർ.ടി.സി ദീർഘദൂര സർവിസുകൾ പുനരാരംഭിക്കണമെന്ന് കേരള കോൺഗ്രസ് എം കൊടുമൺ മണ്ഡലം കമ്മിറ്റി ആവശ്യപ്പെട്ടു. ഈ റൂട്ടിലൂടെയുള്ള സർവിസുകൾ നിർത്തലാക്കിയിട്ട്​ ഏറെക്കാലമായി. ഉദ്യോഗസ്ഥരുടെയും വിദ്യാർഥികളുടെയും സൗകര്യാർഥം രാവിലെയും വൈകീട്ടും കൂടുതൽ സർവിസുകൾ ആരംഭിക്കണമെന്നും യോഗം ആവശ്യപ്പെട്ടു. നിയോജകമണ്ഡലം പ്രസിഡന്‍റ്​ സജു മിഖായേൽ ഉദ്​ഘാടനം ചെയ്തു. മണ്ഡലം പ്രസിഡൻറ്​‌ മോഹനൻ അങ്ങാടിക്കൽ അധ്യക്ഷതവഹിച്ചു. പ്രഫ. വർഗീസ് പേരയിൽ, ഗീവർഗീസ് കുളത്തിനാൽ, റെജി മുരുപ്പേൽ, മോഹനൻ കൈതകുഴിക്കൽ, അഭയകുമാർ, ജോർജ്കുട്ടി മാവനാൽ, റെജി സിജുഭവനം എന്നിവർ സംസാരിച്ചു.