ജില്ലയിൽ സി.പി.എം-സി.പി.ഐ ബന്ധം ഉലയുന്നു

p2 leeed പത്തനംതിട്ട: . സി.പി.എം വിട്ട്​ എത്തുന്നവരെ ഇരുകൈയും നീട്ടി സ്വീകരിക്കുന്ന സി.പി.​ഐ നിലപാടിൽ കുറച്ചുകാലമായി സി.പി.എം അസ്വസ്ഥരാണ്​. ഇനിയും ഈ നില തുടർന്നാൽ അത്​ പാർട്ടിക്ക്​ വലിയ ദോഷംചെയ്യുമെന്ന സി.പി.എം നേതൃത്വത്തിന്‍റെ വിലയിരുത്തലിന്‍റെ അടിസ്ഥാനത്തിൽ സി.പി.ഐയെ ഭീഷണിപ്പെടുത്തി നിലക്കുനിർത്താനുള്ള ശ്രമമാണ്​ ഇപ്പോൾ അക്രമപ്രവർത്തനത്തിലേക്ക്​ തിരിഞ്ഞിരിക്കുന്നത്​. എന്നാൽ, മുന്നണിയിലെ വല്ല്യേട്ടന്‍റെ ഭീഷണിക്ക്​ വഴ​ങ്ങേണ്ട എന്നാണ്​ സി.പി.ഐയുടെ നിലപാട്​. ഈ നിലപാടിന്‍റെ അടിസ്ഥാനത്തിലാണ്​ അങ്ങാടിക്കലിൽ സഹകരണ ബാങ്ക്​ തെരഞ്ഞെടുപ്പിൽ സി.പി.ഐ സ്വന്തം മുന്നണിയുമായി മത്സരരംഗത്തിറങ്ങിയത്​. മറ്റ്​ ബാങ്ക്​ ​തെരഞ്ഞെടുപ്പുകളിലെന്നപോലെ അങ്ങാടിക്കലും സി.പി.എം ക​ള്ളവോട്ടിന്​ ശ്രമിച്ചതാണ്​ ഏറ്റുമുട്ടലിൽ കലാശിച്ചത്​. പകതീരാത്ത സി.പി.എം തെരഞ്ഞെടുപ്പ്​ വിജയത്തിനുശേഷം സി.പി.ഐക്കാരെ വീടുകയറി അക്രമിക്കാനും തയാറായി. ജില്ലയിൽ സി.പി.ഐക്ക്​ നിർണായക സ്വാധീനമുള്ളത്​ അടൂരിലാണ്​. ഇരുപാർട്ടികളുടെയും ജില്ല സെക്രട്ടറിമാരുടെ തട്ടകവും അടൂരാണ്​. നേതാക്കളുടെ അനുമതിയോടെയാണ്​ അക്രമസംഭവങ്ങൾ അടക്കം നടക്കുന്നതെന്നും വ്യക്തമാണ്. അടുത്തകാലത്തായി ജില്ലയിൽ ബി.ജെ.പിയിൽ നിന്നടക്കം നിരവധിപേർ സി.പി.എമ്മിൽ ചേർന്നിരുന്നു. ഈ നിലയിൽ സംഘടന സംവിധാനം കൂടുതൽ കരുത്താർജിക്കുന്നതിനിടെയാണ്​ സ്വന്തം പാളയത്തിൽനിന്ന്​ പ്രവർത്തകരെ സി.പി.ഐ അടർത്തിയെടുക്കുന്നത്​. ഇത്തരത്തിൽ നിരവധിയാളുകൾ ഇതിനകം സി.പി.ഐയിൽ എത്തിയിട്ടുണ്ട്​. സി.പി.എമ്മിന്‍റെ ഗുണ്ടായിസത്തിന്​ വഴങ്ങിയാൽ ഈ നിലയിലെ മുന്നേറ്റത്തിന്​ അത്​ തടസ്സമാകുമെന്ന്​ സി.പി.ഐയും മനസ്സിലാക്കുന്നുണ്ട്​. ......................... കുമ്പനാട് കൺവെൻഷൻ കുമ്പനാട്: കുമ്പനാട് കൺവെൻഷനിൽ തിങ്കളാഴ്ചത്തെ പൊതുയോഗം ഐ.പി.സി യു.കെ-അയർലൻഡ് റീജ്യൻ സെക്രട്ടറി പാസ്റ്റർ ജേക്കബ് ജോർജ് ഉദ്ഘാടനം ചെയ്തു. പാസ്റ്റർ ജോയി ഫിലിപ് അധ്യക്ഷതവഹിച്ചു. പാസ്റ്റർമാരായ വിൽസൺ വർക്കി, രാജു ആനിക്കാട് എന്നിവരും സംസാരിച്ചു. രാവിലെ നടന്ന പ്രത്യേക യോഗത്തിൽ പാസ്റ്റർ എം.ടി. തോമസ് അധ്യക്ഷതവഹിച്ചു.