ഐ.വി. ദാസ് പുരസ്‌കാരം പന്തളം കേരളവർമ ഗ്രന്ഥശാല ഏറ്റുവാങ്ങി

കുളനട: കണ്ണൂർ ജില്ല ലൈബ്രറി കൗൺസിലിന്‍റെ മികച്ച ഗ്രന്ഥശാലക്കുള്ള . കഥാകൃത്ത് ടി. പത്മനാഭൻ പുരസ്കാരം കൈമാറി. 25,000 രൂപക്കുള്ള പുസ്തകങ്ങളും സാക്ഷ്യപത്രവും അടങ്ങുന്നതാണ് പുരസ്‌കാരം. സംസ്ഥാനത്തെ 50 വർഷം പിന്നിട്ട മികച്ച ഗ്രന്ഥശാലക്ക്​ നൽകുന്ന പുരസ്‌കാരമാണിത്. പന്തളം കേരളവർമയുടെ ഓർമക്കായി 1938ൽ സ്ഥാപിച്ച ഗ്രന്ഥശാലയാണിത്. മൂന്നുതവണ മികച്ച ഗ്രന്ഥശാലക്കുള്ള പത്തനംതിട്ട ജില്ല ലൈബ്രറി കൗൺസിന്‍റെ പുരസ്‌കാരം ലഭിച്ചിട്ടുണ്ട്. കഴിഞ്ഞവർഷം സംസ്ഥാന ലൈബ്രറി കൗൺസിൽ എ പ്ലസ് ഗ്രേഡിയിലേക്ക് ഉയർത്തി. ജില്ലയിലെ ഏക എ പ്ലസ് ഗ്രന്ഥശാല എന്ന നേട്ടവും ഈ ഗ്രന്ഥശാലക്ക്​ സ്വന്തമാണ്. ബാലവേദി, യുവജനവേദി, വനിതവേദിയടക്കം പ്രവർത്തനം സജീവമാണ്. ഗ്രന്ഥശാലയുടെ പ്രസിഡൻറ് പി.ജി. ശശികുമാരവർമയും സെക്രട്ടറി കെ. അമ്മിണിയമ്മയുമാണ് പ്രവർത്തനങ്ങൾക്ക് നേതൃത്വം നൽകുന്നത്. ഫോട്ടോ: ഐ.വി. ദാസ് പുരസ്‌കാരം കഥാകൃത്ത് ടി. പത്മനാഭനിൽനിന്ന് പന്തളം കേരളവർമ ഗ്രന്ഥശാലാ ഭാരവാഹികൾ ഏറ്റുവാങ്ങുന്നു