ജി​ല്ല​യി​ലെ റോഡുകളിൽ വീണ്ടും കാ​മ​റ​ക​ൾ സ്ഥാപിക്കുന്നു

പത്തനംതിട്ട: ഗ​താ​ഗ​ത നി​യ​മ​ലം​ഘ​ക​രെ കണ്ടെത്താൻ ജി​ല്ല​യി​ലെ റോഡുകളിൽ വ്യാപകമായി കാ​മ​റ​ക​ൾ സ്ഥാ​പി​ക്കും. ഇ​ൻ​ഷു​റ​ൻ​സ് ഇ​ല്ലാ​ത്ത വാ​ഹ​ന​ങ്ങ​ൾ, ഹെ​ൽ​മ​റ്റും സീ​റ്റ് ബെ​ൽ​റ്റും ഉ​പ​യോ​ഗി​ക്കാ​ത്ത​വ​ർ, കൃ​ത്യ​മാ​യ നമ്പ​ർ പ്ലേ​റ്റ് ഇ​ല്ലാ​ത്ത വാ​ഹ​ന​ങ്ങ​ൾ, അ​മി​ത​വേ​ഗ​ത്തി​ൽ പാ​യു​ന്ന വാ​ഹ​ന​ങ്ങ​ൾ തു​ട​ങ്ങി എ​ല്ലാ നി​യ​മ​ലം​ഘ​ന​ങ്ങ​ളും കാ​മ​റ​യി​ൽ കു​ടു​ങ്ങും. റ​ഡാ​ർ സം​വി​ധാ​ന​ത്തി​ന്‍റെ സ​ഹാ​യ​ത്താ​ലാ​ണ് ഇ​വ പ്ര​വ​ർ​ത്തി​ക്കു​ന്ന​ത്. കാ​മ​റ​യി​ൽ ചി​ത്രം പ​തി​യു​ന്ന​തോ​ടെ നി​യ​മ​ലം​ഘ​ന​ങ്ങ​ൾ ന​ട​ത്തി​യ വാ​ഹ​ന​ത്തി​ന്‍റെ ഉ​ട​മ​ക​ൾ​ക്ക് ത​പാ​ൽ മു​ഖേ​ന നോ​ട്ടീ​സ് ന​ൽ​കും. കെ​ൽ​ട്രോ​ണാ​ണ് പ​ദ്ധ​തി​യു​ടെ നോ​ഡ​ൽ ഏ​ജ​ൻ​സി. തി​രു​വ​ല്ല​യി​ലാ​ണ് ജി​ല്ല ക​ണ്‍​ട്രോ​ൾ റൂം ​സ​ജ്ജ​മാ​കു​ന്ന​ത്. മോ​ട്ട​ർ വാ​ഹ​ന വ​കു​പ്പ് എ​ൻ​ഫോ​ഴ്​സ്​മെ​ന്‍റ് വി​ഭാ​ഗ​ത്തി​ന്‍റെ തി​രു​വ​ന​ന്ത​പു​ര​ത്തെ സെ​ൻ​ട്ര​ൽ ക​ണ്‍​ട്രോ​ൾ റൂ​മി​ലേ​ക്കാ​ണ് ഓ​രോ ദൃ​ശ്യ​വും എ​ത്തു​ന്ന​ത്. തു​ട​ർ​ന്ന് ഇ​വ അ​തത് ജി​ല്ല​ക​ളി​ലെ ക​ണ്‍​ട്രോ​ൾ റൂ​മു​ക​ളി​ലേ​ക്ക് എ​ത്തി​ക്കും. ജി​ല്ല​യി​ലെ ആ​റ് താ​ലൂ​ക്കു​ക​ളി​ലാ​യി 50 ഇ​ട​ങ്ങ​ളി​ൽ കാ​മ​റ സ്ഥാ​പി​ക്കാ​നാ​ണ് എ​ൻ​ഫോ​ഴ്​സ്​മെ​ന്‍റ് വി​ഭാ​ഗം നി​ർ​ദേ​ശം ന​ൽ​കി​യ​ത്. കോ​ഴ​ഞ്ചേ​രി താ​ലൂ​ക്കി​ൽ - എട്ട്​, റാ​ന്നി - ഒമ്പത്​, അ​ടൂ​ർ - 10, കോ​ന്നി - ആറ്​, മ​ല്ല​പ്പ​ള്ളി - ഏഴ്​, തി​രു​വ​ല്ല - 10 എ​ന്നി​ങ്ങ​നെ​യാ​യി​രു​ന്നു നി​ർ​ദേ​ശം. ആ​ദ്യ​ഘ​ട്ട​ത്തി​ൽ 35 കാ​മ​റ​ക​ളാ​ണ് സ്ഥാ​പി​ക്കു​ന്ന​ത്. തി​രു​വ​ല്ല​യി​ൽ ബൈ​പാ​സ് റൗ​ണ്ട് എ​ബൗ​ട്ട്, ക്രോ​സ് ജങ്​ഷ​ൻ, ചി​ല​ങ്ക ജങ്​ഷ​ൻ, പെ​രു​ന്തു​രു​ത്തി, മു​ത്തൂ​ർ, കു​റ്റൂ​ർ, തോ​ട്ട​ഭാ​ഗം, ഇ​ര​വി​പേ​രൂ​ർ, കാ​വും​ഭാ​ഗം, പൊ​ടി​യാ​ടി എ​ന്നി​വി​ട​ങ്ങ​ളി​ലാണ്​ കാ​മ​റ​ക​ൾ സ്ഥാ​പി​ക്കുക. ഗ​താ​ഗ​ത​വ​കു​പ്പ് ന​ട​പ്പാ​ക്കു​ന്ന ആ​ർ​ട്ടി​ഫി​ഷ​ൽ ഇ​ന്‍റ​ലി​ജ​ൻ​സ് (നി​ർ​മി​ത​ബു​ദ്ധി) പ​ദ്ധ​തി​യുമായി ബന്ധപ്പെടുത്തിയാ​ണ് കാ​മ​റ​ക​ൾ സ്ഥാ​പി​ക്കു​ന്ന​ത്. സം​സ്ഥാ​ന​ത്തെ പ്ര​ധാ​ന റോ​ഡു​ക​ളി​ൽ 726 അ​ത്യാ​ധു​നി​ക കാ​മ​റ​ക​ളാ​ണ് സ്ഥാ​പി​ക്കു​ന്ന​ത്.