പന്തളം മഹാദേവർ ക്ഷേത്രത്തിൽ ചന്ദ്രപ്പൊങ്കാലയും തൈപ്പൂയവും

പന്തളം: മഹാദേവർ ക്ഷേത്രത്തിലെ പ്രധാന ഉപദേവതയായ മായയക്ഷിയമ്മയുടെ ഉത്സവത്തിന്റെ ഭാഗമായുള്ള ചന്ദ്രപ്പൊങ്കാല ഞായറാഴ്ചയും തൈപ്പൂയ ഉത്സവം തിങ്കളാഴ്ചയും നടക്കും. 16ന് ദീപാരാധനക്കുശേഷം കൊടിമരമുയർത്തി ഉത്സവാഘോഷങ്ങൾക്ക് തുടക്കം കുറിക്കും. 17ന് വൈകീട്ട് 6.30ന് താലപ്പൊലി ഘോഷയാത്രയും തുടർന്ന് ചന്ദ്രപ്പൊങ്കാലയും. 18ന് മുട്ടാർ അയ്യപ്പക്ഷേത്രത്തിൽനിന്ന്​ കാവടിഘോഷയാത്ര ക്ഷേത്രസന്നിധിയിൽ എത്തിച്ചേരും. തുടർന്ന് പഞ്ചാമൃതാഭിഷേകവും അന്നദാനവും.