ഐ.എൻ.ടി.യു.സി ജില്ല പ്രസിഡന്‍റ്​ ഇന്ന്​ ചുമതലയേൽക്കും

പത്തനംതിട്ട: ഐ.എൻ. ടി.യു.സിയുടെ പുതിയ ജില്ല പ്രസിഡന്‍റായി ജ്യോതിഷ്കുമാർ മലയാലപ്പുഴ ഞായറാഴ്ച ചുമതലയേൽക്കും. വൈകീട്ട്​ 3.30ന് പത്തനംതിട്ട ഡി.സി.സിയിൽ നടക്കുന്ന ചടങ്ങിൽ ഐ.എൻ.ടി.യു.സി സംസ്ഥാന പ്രസിഡന്‍റ്​ ആർ. ചന്ദ്രശേഖരൻ , ഡി.സി.സി പ്രസിഡന്‍റ്​ പ്രഫ. സതീഷ് കൊച്ചുപറമ്പിൽ, അഡ്വ. പഴകുളം മധു തുടങ്ങിയവർ പങ്കെടുക്കും. തുടർന്ന് പുതിയ ജില്ല കമ്മിറ്റി ഓഫിസിന്‍റെ ഉദ്ഘാടനം പത്തനംതിട്ട റോൺ കോംപ്ലക്സിൽ സംസ്ഥാന പ്രസിഡന്‍റ്​ നിർവഹിക്കും. ഒരുവർഷത്തിനുള്ളിൽ ഐ.എൻ.ടി.യു.സിക്ക് ജില്ലയിൽ സ്വന്തം കെട്ടിടം നിർമിക്കുമെന്ന് ജ്യോതിഷ്കുമാർ വാർത്തസമ്മേളനത്തിൽ പറഞ്ഞു. തൊഴിലാളികൾക്ക് നിയമസഹായവും ഉപദേശവും നൽകുന്നതിനായി ലീഗൽ സെല്ലിന്‍റെ പ്രവർത്തനവും തുടങ്ങും.