പത്രം മോഷണംപോകുന്നത് പതിവാകുന്നു

പന്തളം: മാധ്യമം പത്രക്കെട്ടിൽനിന്ന്​ മോഷണംപോകുന്നത് പതിവാകുന്നു. പുലർച്ച പന്തളം ടൗണിൽ എത്തിക്കുന്ന പത്രത്തിന്‍റെ കെട്ടിൽനിന്നുമാണ്​ പത്രം മോഷണം പോകുന്നത്. ഇതുസംബന്ധിച്ച് പന്തളം പൊലീസിൽ പരാതിനൽകി. മുമ്പ് ഇത്തരത്തിൽ പത്രം മോഷ്ടാക്കളായ ചില ഏജൻറുമാരെക്കുറിച്ച് പരാതി ലഭിച്ചിട്ടുണ്ടെന്ന്​ പൊലീസ് പറഞ്ഞു. പത്രക്കെട്ട് ഇറക്കുന്ന സ്ഥലം കേന്ദ്രീകരിച്ച് അന്വേഷണം നടത്തുമെന്നും പന്തളം എസ്.എച്ച്.ഒ എസ്. ശ്രീകുമാർ പറഞ്ഞു.