മാനവ സാഹോദര്യ സംഗമം

തിരുവല്ല: നന്മയാർന്ന പ്രവർത്തനങ്ങളിലൂടെ സമൂഹത്തിന് പ്രകാശം പരത്തുന്നവരായി മാറണമെന്നും പ്രതിസന്ധികളിൽ ഒറ്റപ്പെട്ടുപോകുന്നവരെ ചേർത്തുനിർത്തുന്നത്​ സമൂഹത്തിൽ ഗുണകരമായ മാറ്റങ്ങൾ സൃഷ്ടിക്കും എന്നും ഡെപ്യൂട്ടി സ്പീക്കർ ചിറ്റയം ഗോപകുമാർ പറഞ്ഞു. വൈസ്​മെൻ ക്ലബ് ഓഫ് തിരുവല്ല ടൗണിന്‍റെ ആഭിമുഖ്യത്തിൽ നടന്ന മാനവ സാഹോദര്യ സംഗമവും പുതുവത്സരാഘോഷവും ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡൻറ് ബാബു പറയത്തുകാട്ടിൽ അധ്യക്ഷതവഹിച്ചു. ഭാരത് സേവക് സമാജ് സംസ്ഥാന ചെയർമാൻ ഡോ. രമേശ് ഇളമൺ നമ്പൂതിരി മുഖ്യപ്രഭാഷണം നടത്തി. വൈസ്​മെൻ ഡിസ്ട്രിക്ട് ഗവർണർ സുരേഷ് കണ്ണാട്ട് സ്നേഹസ്​പർശം കാരുണ്യപദ്ധതി ഉദ്ഘാടനം നിർവഹിച്ചു. ജോർജ് മുരിക്കൻ, ജിക്കു വട്ടശ്ശേരി, തോമസ് ഈപ്പൻ, ജിജി വട്ടശ്ശേരി, അനിയൻകുഞ്ഞ് വർഗീസ്, ലിനോജ് ചാക്കോ, സാബു തോമസ്, സോജി വട്ടശ്ശേരിൽ, ബിജിൻ വട്ടശ്ശേരിൽ എന്നിവർ സംസാരിച്ചു. പ്രവാസി ഭാരതീയ ദിനാചരണം തിരുവല്ല: വിശ്വകർമ വർക്കേഴ്സ് ഫെഡറേഷൻ പത്തനംതിട്ട ജില്ല കമ്മിറ്റി നേതൃത്വത്തിൽ പ്രവാസി ഭാരതീയ ദിനവും ഇ-ശ്രാം കാർഡ് വിതരണവും നടത്തി. സംസ്ഥാന ജനറൽ സെക്രട്ടറി അനിൽ അയ്യനാട് ഉദ്ഘാടനം ചെയ്തു. മനോജ് കൊച്ചുവീട്ടിൽ അധ്യക്ഷതവഹിച്ചു. പ്രമോദ് തിരുവല്ല, ടി.ആർ. ബാലചന്ദ്രൻ, എസ്. രാജേന്ദ്രൻ, സുഭാഷ് മുത്തൂർ, ശശി എടത്വ, മധുകുമാർ മുത്തൂർ എന്നിവർ സംസാരിച്ചു.