ഗ്രാമീൺ ഇ-സ്‌റ്റോർ സംരംഭകർക്ക് പരിശീലനം

തിരുവല്ല: കേന്ദ്രസർക്കാർ ഗ്രാമപ്രദേശങ്ങളിൽ ഇ-കോമേഴ്‌സ് ആശയങ്ങൾ വികസിപ്പിക്കുന്നതിനായി കോമൺ സർവിസ് സെന്‍ററുകൾ വഴി ആരംഭിച്ചിട്ടുള്ള ഗ്രാമീൺ ഇ-സ്‌റ്റോർ നടത്തുന്ന ജില്ലയിലെ സംരംഭകർക്ക് പരിശീലനം നൽകി. സി.എസ്.സി സംസ്ഥാന മേധാവി ഡോ. ബി. രാജീവൻ ഉദ്ഘാടനം ചെയ്തു. സംസ്ഥാനത്തിന്‍റെ ചുമതലയുള്ള ഓഫിസർ ജിനോ ചാക്കോ പദ്ധതിയെക്കുറിച്ച് ക്ലാസ് നയിച്ചു. ഗ്രാമീണ മേഖല കേന്ദ്രീകരിച്ച് ഓൺലൈൻ ഓർഡറിങ്ങും ഡെലിവറിയും പ്രോത്സാഹിപ്പിക്കുന്നതിനുള്ള ഒരു ഇ-കോമേഴ്സ് സംരംഭമാണ് സി.എസ്.സി ഗ്രാമീൺ ഇ-സ്റ്റോർ.