മാസ്‌റ്റർ പ്ലാൻ: ജനകീയ വികസന സമിതി സമരത്തിന്

പന്തളം: മാസ്‌റ്റർ പ്ലാൻ സംബന്ധിച്ച പരാതികൾ നഗരസഭ അധികൃതർ സ്വീകരിച്ച്​ മാസങ്ങൾ കഴിഞ്ഞിട്ടും പരിഹാരം കാണാത്തത് ജനങ്ങളോടുള്ള വെല്ലുവിളിയാണെന്ന് പന്തളം ജനകീയ വികസന സമിതി. മുട്ടാർ നീർച്ചാലിന്‍റെ ദുരവസ്ഥക്ക്​ പരിഹാരം കാണുക, പന്തളം ബൈപാസ് യാഥാർഥ്യമാക്കുക എന്നീ ആവശ്യങ്ങളുന്നയിച്ച സമരം തുടങ്ങാൻ കമ്മിറ്റി തീരുമാനിച്ചു. ചെയർമാൻ കെ.എം. ജലീൽ അധ്യക്ഷത വഹിച്ചു. ജനറൽ കൺവീനർ കെ.ആർ. രവി, ഹബീബ് റഹ്​മാൻ, ശശികുമാർ വാളാക്കോട്, ബാബു പീടികയിൽ, ജോൺ തുണ്ടിൽ, ജോർജ്, എ.കെ. അക്ബർ, വി. സുശീലൻ എന്നിവർ സംസാരിച്ചു.