യാത്രികന് നായുടെ കടിയേറ്റു

പത്തനംതിട്ട: നഗരമധ്യത്ത്​ യുവാവിന് തെരുവുനായുടെ കടിയേറ്റു. വള്ളിക്കോട് മായാലിൽ പുതുവാതെക്കേതിൽ ഹരിയെയാണ് കടിച്ചത്. ബുധനാഴ്ച വൈകീട്ട് ആറോടെ മിനിസിവിൽ സ്റ്റേഷന് സമീപത്തുനിന്ന് ബൈക്ക് സ്റ്റാർട്ട് ചെയ്തപ്പോൾ അവിടെ കിടന്ന നായ്​ കടിക്കുകയായിരുന്നു. കാലിന് മുറിവേറ്റ ഹരി പത്തനംതിട്ട ജനറൽ ആശുപത്രിയിൽ ചികിത്സ തേടി. പേവിഷ വാക്സിൻ സ്വീകരിച്ചുതുടങ്ങി.