കൊലപാതകികളും ഗുണ്ടാസംഘങ്ങളും അഴിഞ്ഞാടുന്നു -എം.എം. നസീര്‍

പത്തനംതിട്ട: പിണറായി സര്‍ക്കാറി‍ൻെറ ഭരണത്തില്‍ കൊലപാതകികളും ഗുണ്ടാസംഘങ്ങളും അഴിഞ്ഞാടുന്ന സ്ഥിതിവിശേഷമാ​െണന്ന് കെ.പി.സി.സി ജനറല്‍ സെക്രട്ടറി എം.എം നസീര്‍ പറഞ്ഞു. ഡി.സി.സി ഭാരവാഹികള്‍, ബ്ലോക്ക്, മണ്ഡലം പ്രസിഡൻറുമാര്‍ എന്നിവരുള്‍പ്പെട്ട കോണ്‍ഗ്രസ് നേതൃയോഗം പത്തനംതിട്ട രാജീവ് ഭവനില്‍ ഉദ്ഘാടനം ചെയ്യുകയായിരുന്നു അദ്ദേഹം. ഡി.സി.സി പ്രസിഡൻറ്​ പ്രഫ. സതീഷ് കൊച്ചുപറമ്പില്‍ അധ്യക്ഷതവഹിച്ചു. കെ.പി.സി.സി ജനറല്‍ സെക്രട്ടറി പഴകുളം മധു, ജോര്‍ജ് മാമ്മന്‍ കൊണ്ടൂര്‍, ബാബു ജോര്‍ജ്, മാലേത്ത് സരളാദേവി, എ. ഷംസുദ്ദീന്‍, സാമുവല്‍ കിഴക്കുപുറം, കാട്ടൂര്‍ അബ്​ദുസ്സലാം, എസ്.വി. പ്രസന്നകുമാര്‍, ടി.കെ. സാജു, വി.എ. അഹമ്മദ് ഷാ, സജി കൊട്ടക്കാട്, ജെറി മാത്യു സാം എന്നിവര്‍ സംസാരിച്ചു. PTL 14 NAZEER ജില്ല കോണ്‍ഗ്രസ് കമ്മിറ്റി നേതൃയോഗം കെ.പി.സി.സി ജനറല്‍ സെക്രട്ടറി എം.എം. നസീര്‍ ഉദ്ഘാടനം ചെയ്യുന്നു വ്യാജപ്രചാരണം നടത്തിയവർക്കെതിരെ നടപടി വേണം -പോപുലർ ഫ്രണ്ട് പത്തനംതിട്ട: മല്ലപ്പള്ളി ആനിക്കാട് പ്രദേശത്ത് പാറ പൊട്ടിക്കാന്‍ കൈവശം ​െവച്ച സ്‌ഫോടക വസ്തുക്കള്‍ പൊട്ടിത്തെറിച്ച് അപകടമുണ്ടായ സംഭവത്തില്‍ നുണകള്‍ പ്രചരിപ്പിച്ച് വര്‍ഗീയ മുതലെടുപ്പ് നടത്തി കലാപം നടത്താനുള്ള ആർ.എസ്.എസ്- ബി.ജെ.പി നീക്കത്തിനെതിരെ അധികാരികൾ ശക്തമായ നിയമനടപടി സ്വീകരിക്കണമെന്ന് പോപുലര്‍ ഫ്രണ്ട് ജില്ല പ്രസിഡൻറ്​ എസ്. സജീവ് ആവശ്യപ്പെട്ടു. സമാധാന അന്തരീക്ഷം നിലനില്‍ക്കുന്ന പ്രദേശത്ത് വര്‍ഗീയ ചേരിതിരിവുണ്ടാക്കി മനഃപൂര്‍വം സംഘര്‍ഷമുണ്ടാക്കാനുള്ള ആസൂത്രിത നീക്കമാണ് ഇതിനുപിന്നിലുള്ളത്. വ്യാജ പ്രചാരണങ്ങൾക്കെതിരെ ജനങ്ങൾ ജാഗ്രത പാലിക്കണമെന്നും അദ്ദേഹം അഭ്യർഥിച്ചു.