കോട പിടികൂടി നശിപ്പിച്ചു

കോന്നി: ക്രിസ്മസ്-നവവത്സര സ്പെഷൽ ഡ്രൈവ് തീവ്ര പരിശോധനകളുടെ ഭാഗമായി എക്സൈസ് വകുപ്പി​ൻെറ നേതൃത്വത്തിൽ തണ്ണിത്തോട് ഫോറസ്​റ്റ്​ അധികൃതരുമായി ചേർന്ന് നടത്തിയ റെയ്ഡിൽ . മേക്കണ്ണം ഒറ്റപ്ലാവ് നിൽക്കുന്നതിൽ സന്തോഷ് ചാരായം വാറ്റാൻ പാട്ടകൃഷി ഭൂമിയിൽ സൂക്ഷിച്ച 105 ലിറ്റർ കോടയാണ്​ പിടികൂടിയത്​. പ്രതിയെ അറസ്​റ്റ്​ ചെയ്തിട്ടില്ല. കന്നാസുകളിൽ സൂക്ഷിച്ച നിലയിലായിരുന്നു. റെയ്ഡിൽ റേഞ്ച് ഇൻസ്പെക്ടർ അരുൺ അശോക്, അസി.എക്സൈസ് ഇൻസ്പെക്ടർ എ. ഷെമീർ, തണ്ണിത്തോട് സെക്​ഷൻ ഫോറസ്​റ്റ്​ ഓഫിസർ എ.എസ്. മനോജ്, പ്രിവൻറിവ്​ ഓഫിസർമാരായ ശശിധരൻ പിള്ള, ബിജു ഫിലിപ്, ടി.പി. തോമസ്, കെ.ആർ. സജികുമാർ, ബീറ്റ് ഫോറസ്​റ്റ്​ ഓഫിസർ അമൃത, കൃഷ്ണപ്രിയ, സിവിൽ എക്സൈസ് ഓഫിസർ എൻ. പ്രവീൺ എന്നിവർ പരിശോധനയിൽ പങ്കെടുത്തു.