കേറ്ററേഴ്​സ്​ അസോസിയേഷൻ കുടുംബ സംഗമം

പത്തനംതിട്ട: ഓൾ കേരള കേറ്ററേഴ്​സ്​ അസോസിയേഷൻ ജില്ല കമ്മിറ്റി നേതൃത്വത്തിൽ കുടുംബ സംഗമം ചൊവ്വാഴ്​ച അടൂർ മാർത്തോമ യൂത്ത്​ സൻെററിൽ നടത്തുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. രാവിലെ 10ന് ജില്ല ഭക്ഷ്യ സുരക്ഷ വകുപ്പും, ഓൾ കേരള കേറ്ററിങ്​അസോസിയേഷനും സംയുക്തമായി നടത്തുന്ന ഫുഡ് സേഫ്റ്റി സൂപ്പർവൈസർ ട്രെയിനിങ്​ പ്രോഗ്രാം ഫുഡ് സേഫ്റ്റി അസി. കമീഷണർ ജി. രഘുനാഥക്കുറുപ്പ് ഉദ്ഘാടനം ചെയ്യും. വൈകീട്ട്​ മൂന്നിന് കുടുംബസംഗമം എ.കെ.സി.എ. സംസ്ഥാന പ്രസിഡൻറ് പ്രിൻസ് ജോർജ് ഉദ്ഘാടനം ചെയ്യും. ജില്ല പ്രസിഡൻറ്​ പ്രശാന്ത് ആതിര അധ്യക്ഷത വഹിക്കും. മുൻ ഡി.ജി.പി അലക്സാണ്ടർ ജേക്കബ് മുഖ്യപ്രഭാഷണം നടത്തും. മുതിർന്ന അംഗങ്ങളെ ആദരിക്കും. തുടർന്ന്​ അംഗങ്ങളുടെ കലാസന്ധ്യയും ഉണ്ടായിരിക്കും. വാർത്ത സമ്മേളനത്തിൽ ജനറൽ കൺവീനർ സുരേഷ് കൈപ്പട്ടൂർ, ജില്ല പ്രസിഡൻറ് പ്രശാന്ത് ആതിര, വർക്കിങ്​ പ്രസിഡൻറ് വിജയൻ നടമംഗലം, പബ്ലിസിറ്റി കൺവീനർ ലാൽജി മാത്യു, രക്ഷാധികാരി സജി എബ്രഹാം എന്നിവർ പങ്കെടുത്തു.