എം.വി. വിദ്യാധരൻ ഓയില്‍പാം ഇന്ത്യ ചെയര്‍മാൻ

റാന്നി: ഓയില്‍പാം ഇന്ത്യ ചെയര്‍മാനായി സി.പി.ഐ സംസ്ഥാന കണ്‍ട്രോള്‍ കമീഷൻ അംഗമായ എം.വി. വിദ്യാധരന്‍ നിയമിതനായി. കഴിഞ്ഞ ദിവസം തിരുവനന്തപുരത്ത്​ ചേര്‍ന്ന സി.പി.ഐ സംസ്ഥാന കൗണ്‍സിലാണ് സര്‍ക്കാറിലേക്ക് പേര് നിര്‍ദേശിച്ചത്. എ.ഐ.ടി.യു.സി സംസ്ഥാന ട്രഷറര്‍, പത്തനംതിട്ട ജില്ല പ്രസിഡൻറ്​, എല്‍.ഡി.എഫ് റാന്നി മണ്ഡലം കണ്‍വീനര്‍, ലൈബ്രറി കൗണ്‍സില്‍ റാന്നി താലൂക്ക് പ്രസിഡൻറ്​, റാന്നി താലൂക്ക് ആശുപത്രി വികസനസമിതിയംഗം തുടങ്ങിയ ചുമതലകളാണ് നിലവില്‍ വഹിക്കുന്നത്. കഴിഞ്ഞ എല്‍.ഡി.എഫ് സര്‍ക്കാറിനുകീഴില്‍ വനം വികസന കോര്‍പറേഷന്‍ ബോര്‍ഡ്​ അംഗമായും പ്രവര്‍ത്തിച്ചു. പി.എന്‍. സുശീലയാണ് ഭാര്യ. മക്കള്‍: അഭിലാഷ്, അജേഷ്. ptl rni _6 chairman photo: എം.വി. വിദ്യാധരൻ