പിണറായി വിജയൻ ത​െൻറ നാട്ടുകാരനായതിൽ അപമാനം -കെ. സുധാകരൻ എം.പി

പിണറായി വിജയൻ ത​ൻെറ നാട്ടുകാരനായതിൽ അപമാനം -കെ. സുധാകരൻ എം.പി കോന്നി: മുഖ്യമന്ത്രി പിണറായി ത​ൻെറ നാട്ടുകാരനായതുകൊണ്ട് അപമാനഭാരത്താൽ തലകുനിക്കുന്നുവെന്ന്​ കെ.പി.സി.സി പ്രസിഡൻറ്​ കെ. സുധാകരൻ. അരുവാപ്പുലം കോൺഗ്രസ് മണ്ഡലം കമ്മിറ്റി ഓഫിസ് ഉദ്ഘാടനം ചെയ്യുകയായിരുന്നു അദ്ദേഹം. കേന്ദ്രവും കേരളവും ഇന്ന് ജനത്തെ കൊള്ളയടിക്കുകയാണ്. കോൺഗ്രസ് സ്വാതന്ത്ര്യ സമരത്തിലൂടെ നേടിയെടുത്ത് കെട്ടിയുയർത്തിയ ഒരോ വികസനത്തി​ൻെറ ദന്തഗോപുരങ്ങളും ബി.ജെ.പി സർക്കാർ വിറ്റഴിക്കുകയാണ്. വിറ്റഴിക്കുന്ന പൊതുമുതലുകൾ നരേന്ദ്ര മോദിക്ക് സ്ത്രീധനമായി ലഭിച്ചതാണോയെന്ന്​ അദ്ദേഹം ​ചോദിച്ചു. അടൂർ പ്രകാശ് എം.പി അധ്യക്ഷത വഹിച്ചു. ആ​േൻറാ ആൻറണി എം.പി, ഡി.സി.സി പ്രസിഡൻറ് സതീഷ് കൊച്ചുപറമ്പിൽ, റോബിൻ പീറ്റർ, ജി. ശ്രീകുമാർ, ദേവകുമാർ എന്നിവർ സംസാരിച്ചു.