ബാങ്ക് ജീവനക്കാരുടെ പണിമുടക്ക് തുടങ്ങി

പത്തനംതിട്ട: ബാങ്ക് ജീവനക്കാരുടെയും ഓഫിസർമാരുടെയും രണ്ടു ദിവസത്തെ രാജ്യവ്യാപക പണിമുടക്ക്​ തുടങ്ങി. പൊതുമേഖല ബാങ്കുകളുടെ ഓഹരികൾ സ്വകാര്യമേഖലക്ക്​ വിൽക്കാനുള്ള ബാങ്കിങ് ​െറഗുലേഷൻ നിയമ ഭേദഗതിക്കെതിരെയാണ് ജീവനക്കാർ പണിമുടക്കുന്നത്. പണിമുടക്കിയ ജീവനക്കാർ പത്തനംതിട്ടയിലും തിരുവല്ലയിലും റാലിയും പ്രകടനവും നടത്തി. തിരുവല്ലയിൽ കെ.എസ്.കെ.ടി.യു ഏരിയ സെക്രട്ടറി ജനു മാത്യു ഉദ്​ഘാടനം ചെയ്തു. എ.ഐ.ബി.ഇ.എ ജില്ല ചെയർമാൻ ജോൺ മത്തായി, ദീപു ജോൺസൺ, ഉദയകുമാർ, വിനോദ് കുര്യാക്കോസ് എന്നിവർ സംസാരിച്ചു. പത്തനംതിട്ടയിൽ എ.ഐ.ബി.ഒ.സി ദേശീയ ട്രഷറർ ശ്രീകുമാർ ഉദ്​ഘാടനം ചെയ്തു. യു.എഫ്.ബി.യു കൺവീനർ കെ.ബി. ശിവാനന്ദൻ പണിമുടക്കിനാധാരമായ വിഷയങ്ങൾ വിശദീകരിച്ചു. ചിത്രം PTL 10 BANK RALLY ബാങ്ക് ജീവനക്കാരുടെ പണിമുടക്കിനോടനുബന്ധിച്ച്​ യു.എഫ്.ബി.യു പത്തനംതിട്ടയിൽ നടത്തിയ റാലി എ.ഐ.ബി.ഒ.സി ദേശീയ ട്രഷറർ ശ്രീകുമാർ ഉദ്ഘാടനം ചെയ്യുന്നു ............................ ​െഗസ്​റ്റ് അധ്യാപക ഒഴിവ് അടൂർ: എല്‍.ബി.എസ് സയന്‍സ് ആൻഡ്​ ടെക്നോളജിയുടെ അടൂര്‍ സബ് സൻെററില്‍ ​െഗസ്​റ്റ് അധ്യാപക തസ്തികയിലേക്ക് അപേക്ഷ ക്ഷണിച്ചു. ഈ മാസം 17നകം ബയോഡേറ്റയും സര്‍ട്ടിഫിക്കറ്റി​ൻെറ പകര്‍പ്പും അടൂര്‍ സൻെററില്‍ എത്തിക്കണം. യോഗ്യത കമ്പ്യൂട്ടര്‍ എൻജിനീയറിങ് / എം.സി.എ/എം.എസ്​സി (ഐ.ടി)/ എം.എസ്​സി കമ്പ്യൂട്ടര്‍ സയന്‍സ് ഇവയില്‍ ഒന്നാം ക്ലാസ് ബിരുദവും ഒരു വര്‍ഷത്തെ പ്രവൃത്തിപരിചയവും. ഫോൺ: 9947123177.