കിണറ്റിൽ വീണ പൂച്ചക്ക് രക്ഷകരായി അഗ്​നിരക്ഷാസേന

പന്തളം: കുരമ്പാല പാലവിളയിൽ ശാരദയുടെ വീട്ടുമുറ്റത്തെ 30 അടി താഴ്ചയുള്ള കിണറ്റിൽ വീണ പൂച്ചയെ അഗ്​നിരക്ഷാസേന രക്ഷിച്ചു. അടൂർ അഗ്​നിരക്ഷാസേന അസി. സ്​റ്റേഷൻ ഓഫിസർ കെ.സി. റെജികുമാർ, സീനിയർ ഫയർ ഓഫിസർ സജീവ് കുമാർ, ഫയർ ഓഫിസർമാരായ സിയാദ്, അരുൺ ജിത്ത്, ശ്രീജിത്ത്, ദീപേഷ്, ശരത്ത്, രാജേഷ് കുമാർ എന്നിവർ ചേർന്നാണ് പൂച്ചയെ കരക്കെത്തിച്ചത്.