ചുട്ടുമൺ-അഴകത്താനി റോഡ് തകർന്നു

മല്ലപ്പളളി: ചുട്ടുമൺ-പൂവനക്കട-അഴകത്താനി റോഡ് സഞ്ചാരയോഗ്യമാക്കണമന്ന ആവശ്യം ശക്തമാകുന്നു. ഇതുവഴിയുള്ള കാൽനടയും ദുസ്സഹമാണ്. പെരുമ്പെട്ടി-കണ്ടൻപേരൂർ റോഡിൽ ചുട്ടുമണിൽനിന്ന് വനാതിർത്തിയിലേക്കുള്ള പ്രധാന റോഡാണിത്. അമ്പതോളം കുടുംബങ്ങളാണ് ദുരിതമനുഭവിക്കുന്നത്. റോഡിലൂടെ വെള്ളം ഒഴുകി വലിയ കുഴികൾ രൂപപ്പെട്ട് കല്ലുകൾ തെളിഞ്ഞ​ു. വേനൽകാലങ്ങളിൽ കുടിവെള്ളക്ഷാമം രൂക്ഷമായ പ്രദേശമായ ഇവിടെ സ്വകാര്യ വാഹനങ്ങളിലാണ് കുടിവെള്ളം എത്തിക്കുന്നത്. റോഡി​ൻെറ ശോച്യാവസ്ഥ കാരണം ഇരട്ടിത്തുക നൽകിയാൽപോലും ഇവിടേക്ക് വരാൻ വാഹന ഉടമകൾ തയാറാകുന്നില്ല.