ഒ.പി ടിക്കറ്റ്​ നിരക്ക് വർധനവിൽ പ്രതിഷേധം

ptl th 3 പത്തനംതിട്ട: കോഴഞ്ചേരി ജില്ല ആശുപത്രിയിൽ ഒ.പി, ഐ.പി ടിക്കറ്റ് നിരക്കുകൾ വർധിപ്പിച്ചതിൽ പ്രതിഷേധം. ഒ.പി ടിക്കറ്റ്​ നിരക്ക് അഞ്ചിൽനിന്ന് 20 രൂപയായും ഐ.പി ടിക്കറ്റിന്​ 30 രൂപയുമാണ്​ നൽകേണ്ടത്​. ആശുപത്രി വികസന സമിതി യോഗത്തി​േൻറതാണ് തീരുമാനം​. കോവിഡിനുശേഷം താൽക്കാലിക ജീവനക്കാർ അടക്കമുള്ളവർക്ക്​ ശമ്പളം നൽകാൻ കഴിയാത്തതുകൊണ്ടാണ്​ നിരക്ക്​ വർധിപ്പിച്ചതെന്നാണ്​ വികസന സമിതി അംഗങ്ങൾ പറയുന്നത്​. ഇതി​െനതിരെ വ്യാപക പ്രതിഷേധമാണ്​ ഉയരുന്നത്​. പാവപ്പെട്ടവരെ പിഴിയുന്ന കമ്മിറ്റിയുടെ നടപടി അംഗീകരിക്കാനാവില്ലെന്നും നിരക്ക് കുറക്കാൻ നടപടി സ്വീകരിക്കണമെന്നും ബി.ജെ.പി ജില്ല പ്രസിഡൻറ് വി.എ. സൂരജ് ആവശ്യപ്പെട്ടു. ജനറൽ ആശുപത്രിയിൽ വ്യക്തിക്ക് മെഡിക്കൽ ഷോപ്പ് അനുവദിച്ചതിലെ ക്രമക്കേട് അന്വേഷിക്കണമെന്നും ജില്ല പ്രസിഡൻറ്​ ആവശ്യപ്പെട്ടു. ജില്ല ആശുപത്രിയിലെ ഒ.പി ടിക്കറ്റ്​ വർധന പിൻവലിക്കണമെന്ന്​ ഭാരതീയ ദലിത്​ കോൺഗ്രസ്​ ജില്ല കമ്മിറ്റി ആവശ്യപ്പെട്ടു. സർക്കാർ ആശുപത്രിയിൽ എത്തുന്നവരിൽ അധികവും പാവങ്ങളാണ്​. കോവിഡ്​ കാലത്ത്​ ജനങ്ങൾ ബുദ്ധിമുട്ടുന്ന സമയത്ത്​ ചാർജ്​ വർധിപ്പിച്ചത്​ അനീതിയാണ്​. നിരക്ക്​ വർധന പിൻവലിക്കണമെന്ന് കോൺഗ്രസ്​​ കോഴഞ്ചേരി മണ്ഡലം കമ്മിറ്റിയും ആവശ്യപ്പെട്ടു.