പ്രതിഷേധ ദിനാചരണം

പത്തനംതിട്ട: ലീവ് സറണ്ടർ നിരോധനം പിൻവലിക്കുക, സർക്കാർ വിഹിതം ഉൾപ്പെടുത്തി മെഡിസെപ് നടപ്പാക്കുക, ഡി.എ കുടിശ്ശിക അനുവദിക്കുക തുടങ്ങിയ ആവശ്യങ്ങളുന്നയിച്ച് കേരള എൻ.ജി.ഒ സംഘ് പത്തനംതിട്ട മിനിസിവിൽ സ്​റ്റേഷനിലും കലക്ടറേറ്റിലും പ്രകടനവും പ്രതിഷേധ യോഗവും നടത്തി. മിനി സിവിൽ സ്​റ്റേഷനിൽ സംസ്ഥാന ജോ. സെക്രട്ടറി എസ്. രാജേഷും കലക്ടറേറ്റിൽ ജില്ല പ്രസിഡ​ൻറ്​ പി. അനിൽകുമാറും ഉദ്ഘാടനം ചെയ്തു. ജില്ല സെക്രട്ടറി ജി. അനീഷ്, ജില്ല ട്രഷറർ എസ്. ഗിരീഷ്, വൈസ് പ്രസിഡൻറുമാരായ പി.ആർ. രമേശ്, പി.എസ്. രഞ്ജിത്ത്, കെ.ജി. അശോക് കുമാർ, ജോ.സെക്രട്ടറിമാരായ ആർ. കൃഷ്ണവർമ, പി. സോമേഷ്, ജില്ല കമ്മിറ്റി അംഗം ജി. വിനോദ് എന്നിവർ പ്രകടനത്തിന് നേതൃത്വം നൽകി.