എ.ഐ.വൈ.എഫ് പതാക ജാഥക്ക് അടൂരിൽ സ്വീകരണം

അടൂർ: എ.ഐ.വൈ.എഫ് സംസ്ഥാന സമ്മേളന നഗരിയിൽ ഉയർത്തുന്നതിനുള്ള പതാക ജാഥക്ക് അടൂരിൽ സ്വീകരണം നൽകി. ജില്ല അതിർത്തിയായ ഏനാത്ത് മുതൽ പന്തളം വരെ കൊടികൾ ഉയർത്തിയിരുന്നു. സി.പി.ഐ ജില്ല സെക്രട്ടറി എ.പി. ജയ​ൻെറ നേതൃത്വത്തിലാണ് സ്വീകരണം നൽകിയത്. ഡിസംബർ രണ്ട് മുതൽ നാലുവരെ കണ്ണൂരിൽ നടക്കുന്ന സംസ്ഥാന സമ്മേളന നഗരിയിൽ ഉയർ​േത്തണ്ട പതാക രക്തസാക്ഷി ജയപ്രകാശി​ൻെറ തിരുവനന്തപുരം കുടപ്പനക്കുന്നിലെ സ്‌മൃതി മണ്ഡപത്തിൽനിന്നണ്​ പുറപ്പെട്ടത്. സ്വീകരണയോഗം ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്തു. എ.പി. ജയൻ, മണ്ഡലം സെക്രട്ടറി ഏഴംകുളം നൗഷാദ്, ജില്ല അസി. സെക്രട്ടറി ഡി. സജി, എ.ഐ.വൈ.എഫ് ജില്ല സെക്രട്ടറി എസ്. അഖിൽ തുടങ്ങിയവർ സംസാരിച്ചു. എ.ഐ.വൈ.എഫ് സംസ്ഥാന ജോയൻറ്​ സെക്രട്ടറി അരുൺ കെ.എസാണ്​ ക്യാപ്റ്റൻ. PTL ADR AIYF എ.ഐ.വൈ.എഫ് പതാക ജാഥ സ്വീകരണ യോഗം അടൂരിൽ ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്യുന്നു