ചെങ്ങറ-കോന്നി റൂട്ടിലെ ബസ് സര്‍വിസ് നിര്‍ത്തി

കോന്നി: ചെങ്ങറ-കോന്നി റൂട്ടില്‍ സ്വകാര്യ ബസ് സര്‍വിസ് നിര്‍ത്തിയതിനെ തുടര്‍ന്ന് പ്രദേശവാസികള്‍ ദുരിതത്തിൽ. കോന്നിയില്‍നിന്ന് അട്ടച്ചാക്കല്‍, നാടുകാണി, ചെങ്ങറവഴി ചെറത്തിട്ട ജങ്ഷന്‍ വരെ ദിവസവും ആറ് സര്‍വിസുകളാണ്​ നടത്തിയിരുന്നത്. മാസങ്ങളായി സര്‍വിസ് മുടങ്ങിയതിനെ തുടര്‍ന്ന് ചെങ്ങറ, നാടുകാണി, ഈസ്​റ്റ്​ ജങ്​ഷന്‍, ചെമ്മാനി, മിച്ചഭൂമി, കുമ്പഴ തോട്ടം മേഖലയിലുള്ള ജനങ്ങള്‍ യാത്ര സൗകര്യമില്ലാതെ ബുദ്ധിമുട്ടുകയാണ്. ................................. ആനക്കൂട് റിപ്പബ്ലിക്കന്‍ സ്‌കൂള്‍ റോഡ് തകര്‍ന്നു കോന്നി: ആനക്കൂട് റിപ്പബ്ലിക്കന്‍ സ്‌കൂള്‍ റോഡ് തകര്‍ന്നു. കോന്നി ചന്ദനപ്പള്ളി റോഡിലെ താലൂക്ക് ആശുപത്രി ജങ്ഷനില്‍നിന്ന് പുനലൂര്‍ -മുവാറ്റുപുഴ സംസ്ഥാനപാതയിലെ റിപ്പബ്ലിക്കന്‍ സ്‌കൂളിന് മുന്നിലെത്തുന്ന ഇടവഴിയാണിത്. കോന്നി ടൗണിലെത്തുന്ന ജനങ്ങള്‍ പതിവായി ഉപയോഗിക്കുന്ന റോഡും ഇതാണ്. മഴവെള്ളപ്പാച്ചിലില്‍ റോഡില്‍ കല്ലും മണ്ണും വന്നടിഞ്ഞു യാത്ര ദുഷ്‌കരമായി. ഓടകളും തകരാറിലാണ്. മഴ പെയ്താൽ റോഡിലൂടെ മഴവെള്ളം നിറഞ്ഞൊഴുകുകയാണ്​. ........................ ഇ-ശ്രം രജിസ്‌ട്രേഷന്‍ മേള കോഴഞ്ചേരി: കേരള വ്യാപാരി വ്യവസായി ഏകോപന സമിതി കോഴഞ്ചേരി യൂനിറ്റി​ൻെറ നേതൃത്വത്തില്‍ കോഴഞ്ചേരി വ്യാപാരി ഭവനില്‍ സൗജന്യ ലേബര്‍, ഇ-ശ്രം രജിസ്‌ട്രേഷന്‍ മേള പത്തനംതിട്ട അസി.​ ലേബര്‍ ഓഫിസര്‍ സി.കെ. ജയചന്ദ്രന്‍ ഉദ്ഘാടനം ചെയ്തു. യൂനിറ്റ് പ്രസിഡൻറ്​ പ്രസാദ് ആനന്ദഭവന്‍ അധ്യക്ഷതവഹിച്ചു. മുന്‍ ഇലന്തൂര്‍ ബ്ലോക്ക് പഞ്ചായത്ത് പ്രസിഡൻറ് ​ജെറി മാത്യു സാം, ജില്ല കമ്മിറ്റി അംഗം എന്‍.കെ. നന്ദകുമാര്‍, വൈസ് പ്രസിഡൻറ്​ സോമരാജന്‍, ട്രഷറാര്‍ ഫിലിപ്പോസ് ഉമ്മന്‍ എന്നിവര്‍ സംസാരിച്ചു. .................................... തിട്ട ഇടിഞ്ഞ ഭാഗം എം.എല്‍.എ സന്ദര്‍ശിച്ചു താഴൂര്‍ക്കടവ്: കനത്ത മഴയെത്തുടര്‍ന്ന് താഴൂര്‍ക്കടവില്‍ പറമ്പ് ഇടിഞ്ഞ് ആറ്റിലേക്ക് വീണ ഭാഗവും അപകടഭീഷണിയിലായ വീടുകളും അഡ്വ. കെ.യു. ജനീഷ്‌കുമാര്‍ എം.എല്‍.എയുടെ നേതൃത്വത്തിലുള്ള സംഘം സന്ദര്‍ശിച്ചു. ആറ്റുതിട്ട കെട്ടാനുള്ള അടിയന്തര നടപടി സ്വീകരിക്കാമെന്നും നാശനഷ്്ടമുണ്ടായവര്‍ക്ക് നഷ്​ടപരിഹാരം നല്‍കാന്‍ വിവരം സര്‍ക്കാറി​ൻെറ ശ്രദ്ധയില്‍പ്പെടുത്തുമെന്നും അദ്ദേഹം പറഞ്ഞു. വള്ളിക്കോട് പഞ്ചായത്ത് പ്രസിഡൻറ്​ ഡി.സി. മോഹന്‍, വാര്‍ഡ് മെംബര്‍ ഗീത എന്നിവരും എം.എല്‍.എയോടൊപ്പമുണ്ടായിരുന്നു.