പ്ലാസ്​റ്റിക് വിരുദ്ധ ബോധവത്​കരണവുമായി പൊലീസ്​

ശബരിമല: പുണ്യം പൂങ്കാവനം ശുചീകരണ പദ്ധതിയുടെ ഭാഗമായി ശബരിമലയിലെത്തിയ തീര്‍ഥാടകര്‍ക്കായി പൊലീസി​ൻെറ നേതൃത്വത്തില്‍ പ്ലാസ്​റ്റിക് വിരുദ്ധ ബോധവത്​കരണ പരിപാടി നടത്തി. പ്ലാസ്​റ്റിക് വസ്തുക്കള്‍ ഉപയോഗിക്കാതെ കടന്നുവന്ന തീര്‍ഥാടകരെ പുണ്യം പൂങ്കാവനം കോ-ഓഡിനേറ്റര്‍ ഡിവൈ.എസ്.പി എം. രമേശ്കുമാറി​ൻെറ നേതൃത്വത്തിലുള്ള സംഘം അനുമോദിച്ചു. പുണ്യം പൂങ്കാവനം ശുചീകരണ പദ്ധതി 2011 മുതലാണ് ശബരിമലയില്‍ നടത്തിവരുന്നത്. പൊലീസി​ൻെറ നേതൃത്വത്തില്‍, ശബരിമലയില്‍ പ്രവര്‍ത്തിക്കുന്ന എല്ലാ ഡിപ്പാര്‍ട്മൻെറുകളുടെയും അയ്യപ്പ സേവാ സംഘം തുടങ്ങിയ സന്നദ്ധ സംഘടനകളുടെയും പ്രവര്‍ത്തകരും തീര്‍ഥാടകരും പുണ്യം പൂങ്കാവനം ശുചീകരണ പദ്ധതിയില്‍ പങ്കാളികളാക​ുന്നു. സന്നിധാനത്ത്​ കലാപരിപാടികള്‍ക്ക് തുടക്കം ശബരിമല: സന്നിധാനം ശാസ്താ ഓഡിറ്റോറിയത്തില്‍ മണ്ഡല- മകരവിളക്ക് തീര്‍ഥാടനവുമായി ബന്ധപ്പെട്ട് വിവിധ കലാകാരന്‍മാര്‍ക്കായി ദേവസ്വം ബോര്‍ഡ് ഒരുക്കുന്ന കലാപരിപാടികളുടെ ഉദ്ഘാടനം എക്‌സിക്യൂട്ടിവ് ഓഫിസര്‍ വി. കൃഷ്ണകുമാര വാര്യര്‍ നിര്‍വഹിച്ചു. പൊലീസ് ടെലികമ്യൂണിക്കേഷന്‍സ് വിഭാഗത്തിലെ ഉദ്യോഗസ്ഥരായ എസ്.ഐമാരായ സൈബുകുമാര്‍, ഉത്തരകുട്ടന്‍, ഹെഡ് കോണ്‍സ്​റ്റബിള്‍ അഭിലാഷ്, സന്നിധാനം നഴ്‌സിങ്​ ഓഫിസര്‍ അരുണ്‍കുമാര്‍ പുരുഷോത്തമന്‍ എന്നിവര്‍ ഭക്തിഗാനങ്ങള്‍ ആലപിച്ചു. ഉദ്ഘാടന ചടങ്ങില്‍ എ.ഒ സുനില്‍കുമാര്‍, എ.ഇ.ഒ ഗണേഷ്‌പോറ്റി, സന്നിധാനം പൊലീസ് സ്പെഷല്‍ ഓഫിസറും ക്രൈം ബ്രാഞ്ച് എസ്​.പിയുമായ എ.ആര്‍. പ്രേംകുമാര്‍, സോപാനം സ്‌പെഷല്‍ ഓഫിസര്‍ വിജയന്‍പിള്ള തുടങ്ങിയവര്‍ പങ്കെടുത്തു. കോവിഡ് നിയന്ത്രണങ്ങൾക്കുശേഷം ആദ്യമായാണ്​ സന്നിധാനം നടപ്പന്തലിനോട് ചേര്‍ന്ന ശ്രീധര്‍മ ശാസ്താ ഓഡിറ്റോറിയത്തില്‍ കലാപരിപാടികള്‍ അവതരിപ്പിക്കുന്നത്.