ഏനാദിമംഗലത്ത് വെള്ളപ്പൊക്കകെടുതികൾക്ക് പരിഹാരം

അടൂർ: ഏനാദിമംഗലം ഗ്രാമപഞ്ചായത്തില്‍ ശക്തമായ മഴയിൽ വെള്ളപ്പൊക്കം മൂലം കോട്ടപ്പുറത്ത് ഇളമണ്ണൂര്‍ വലിയതോട്ടിലേക്ക് മലയിടിഞ്ഞ് കുതിരമണ്‍ ഏലായിലേക്ക് തോട് ഗതിമാറി ഒഴുകിയിരുന്നത് പൂര്‍വ സ്ഥിതിയിലാക്കുന്നതിനുള്ള പ്രവൃത്തികൾ തുടങ്ങി. ഗ്രാമപഞ്ചായത്ത് പ്രസിഡൻറ്​ പി. രാജഗോപാലന്‍ നായര്‍, വാര്‍ഡ് മെംബര്‍ സതീഷ് കുമാര്‍, പഞ്ചായത്ത് സെക്രട്ടറി ബി. സുനില്‍ എന്നിവര്‍ നേതൃത്വം നല്‍കി. വെള്ളപ്പൊക്കം ബാധിച്ച് മലിനീകരണപ്പട്ട കിണറുകള്‍ ശുദ്ധീകരിക്കുന്നതിനുള്ള നടപടികളും ആരംഭിച്ചു.