വൈക്കം കുത്തുകല്ലുംപടിയിൽ റോഡിലെ വെള്ളക്കെട്ടുമൂലം നാട്ടുകാർ വലഞ്ഞു

റാന്നി: നിർമാണത്തിലിരിക്കുന്ന റോഡി‍ൻെറ വശത്തു വെള്ളം കെട്ടിനില്‍ക്കുന്നതുമൂലം വലഞ്ഞത് നാട്ടുകാരും വ്യാപാരികളും. വൈക്കം കുത്തുകല്ലുംപടിയിലാണ് വ്യാപാരികളെയും നാട്ടുകാരെയും വലച്ച്​ വെള്ളക്കെട്ട്​ രൂപപ്പെട്ടത്. പുനലൂര്‍-മൂവാറ്റൂപുഴ സംസ്ഥാന പാതയുടെ നിമാണവുമായി ബന്ധപ്പെട്ടാണ് വശത്ത്​ ഒഴുകിപ്പോകുവാനാവാതെ വെള്ളം കെട്ടിനില്‍ക്കുന്നത്. റോഡിനിരുവശത്തും ഓട ഉണ്ടെന്നാണ് നിര്‍മാണ സമയത്ത് പറഞ്ഞതെങ്കിലും ഇവിടെ ഓട നിര്‍മിച്ചിട്ടില്ല. ഇതിനു സമീപത്തെ വീട്ടുകാര്‍ മുട്ടൊപ്പം വെള്ളത്തില്‍ ഇറങ്ങി യാത്ര ചെയ്യേണ്ട അവസ്ഥയാണ്. ഇവിടെ കുടിവെള്ള വിതരണ പൈപ്പ്​ സ്ഥാപിക്കാനെടുത്ത കുഴിയുമുണ്ട്. 50 മീറ്റര്‍ ദൂരം ഓട നിര്‍മാണം പൂര്‍ത്തിയാകാനുണ്ട് ഈ ഭാഗത്ത്. വ്യാപാര സ്ഥാപനങ്ങളിലേക്ക് നീന്തിക്കയറേണ്ട അവസ്ഥയാണിപ്പോൾ. വെള്ളക്കെട്ട് കാരണം വ്യാപാര സ്ഥാപനത്തിലേക്ക് കയറാൻ മടിക്കുകയാണ്. ഒന്നാംഘട്ട ടാറിങ്​ കഴിഞ്ഞിട്ടുണ്ട്. ഓടകൾകൂടി ശരിയാക്കിയെങ്കിൽ മഴക്കാലത്തെ ബുദ്ധിമുട്ട് ഒഴിവായിക്കിട്ടും. അടിയന്തരമായി ഇവിടെ ഓട നിര്‍മാണം പൂര്‍ത്തിയാക്കി വെള്ളക്കെട്ട്​ ഒഴിവാക്കണമെന്ന് നാട്ടുകാര്‍ ആവശ്യപ്പെട്ടു. PtI rni - 1 Road ഫോട്ടോ: പുനലൂർ-മൂവാറ്റുപുഴ റോഡിൽ റാന്നി വൈക്കം കുത്തുകല്ലുംപടിക്ക് സമീപമുള്ള വെള്ളക്കെട്ട്