തീർഥാടനത്തിന് ഒരുക്കം വിലയിരുത്തി കലക്ടറുടെ സന്ദർശനം

പന്തളം: ഇത്തവണത്തെ അയ്യപ്പഭക്തന്മാരുടെ തീർഥാടനത്തിന് ഒരുക്കം വിലയിരുത്താൻ ജില്ല കലക്ടർ ഡോ. ദിവ്യ എസ്.അയ്യർ പന്തളം വലിയകോയിക്കൽ ശ്രീധർമശാസ്ത ക്ഷേത്രം സന്ദർശിച്ചു. ശനിയാഴ്ച വൈകീട്ട്​ നാലിന് കൊട്ടാരത്തിലെത്തിയ കലക്ടർ പന്തളം വലിയകോയിക്കൽ ശ്രീധർമശാസ്തക്ഷേത്രം സമീപമുള്ള അപകടകരമായ കുളിക്കടവും സന്ദർശിച്ച് സ്ഥിതിഗതികൾ വിലയിരുത്തി. ഇക്കുറി അയ്യപ്പ ഭക്തർക്ക് എല്ലാ അടിസ്ഥാന സൗകര്യങ്ങളും ഒരുക്കുമെന്ന്​ കലക്ടർ പറഞ്ഞു. പിന്നീട് പന്തളം കൊട്ടാരത്തിൽ എത്തി കൊട്ടാരം നിർവാഹക സമിതി ഭാരവാഹികളുമായും ചർച്ച നടത്തി. അടൂർ തഹസിൽദാർ ജോൺ ശ്യാം, പന്തളം വില്ലേജ് ഓഫിസർ എസ്. ഹരികുമാർ ,വില്ലേജ് സ്​പെഷൽ ഓഫിസർ അൻവർഷാ എന്നിവരും കലക്ടർക്ക് ഒപ്പമുണ്ടായിരുന്നു. ഫോട്ടോ: പന്തളം വലിയകോയിക്കൽ ശ്രീധർമശാസ്ത ക്ഷേത്രത്തിന് സമീപമുള്ള കുളിക്കടവ് കലക്ടർ ഡോ. ദിവ്യ എസ്.അയ്യർ സന്ദർശിക്കുന്നു