വിദ്യാർഥിനിയുടെ മരണം: അന്വേഷണം ക്രൈംബ്രാഞ്ചിന്

വടശ്ശേരിക്കര: പെരുനാട് സ്വദേശിനി വിദ്യാർഥിനിയെ വീട്ടിൽ തൂങ്ങിമരിച്ച നിലയിൽ കണ്ട സംഭവത്തിൽ അന്വേഷണം ക്രൈംബ്രാഞ്ചിനെ ഏൽപിച്ച്​ ഹൈകോടതി ഉത്തരവിട്ടു. ലോക്കൽ പൊലീസ് തെളിവുകൾ ശാസ്ത്രീയമായി പരിശോധിച്ചില്ലെന്ന് ആരോപിച്ച്​ കുട്ടിയുടെ മാതാവ്​ ഹൈകോടതിയെ സമീപിച്ചിരുന്നു. പെരുനാട് പുതുക്കട ചെമ്പാലൂർ വീട്ടിൽ അക്ഷയ അനൂപിനെ ഫെബ്രുവരി എട്ടിനാണ് തൂങ്ങിമരിച്ച നിലയിൽ കണ്ടത്.