ആർ.ഡി.ഒയുടെ ഔദ്യോഗിക വാഹനം ജപ്തി ചെയ്തു

അടൂർ: കല്ലട ജലസേചന പദ്ധതിക്ക് സ്വകാര്യ വ്യക്തിയിൽനിന്ന്​ പൊന്നുംവിലക്ക് സ്ഥലം ഏറ്റെടുത്തിട്ടും മതിയായ തുക നൽകാത്തതി​ൻെറ പേരിൽ അടൂർ ആർ.ഡി.ഒയുടെ ഔദ്യോഗിക വാഹനം കോടതി ജപ്തി ചെയ്തു. കുണ്ടറ പൊന്നും വില തഹസിൽദാർ ഓഫിസിലെ എൽ.എ.ആർ കേസ് പ്രകാരമാണ് പത്തനംതിട്ട സബ് കോടതി ആർ.ഡി.ഒയുടെ ബൊലേറോ ജപ്തി ചെയ്തത്. കുണ്ടറ കെ.ഐ.പി.ക്ക് വേണ്ടി സ്ഥലം ഏറ്റെടുത്തതി​ൻെറ ഭാഗമായുള്ളതാണ് കേസ്.