നഗരത്തിലെ ഗതാഗത പരിഷ്കരണം; നിർദേശങ്ങൾ സ്വീകരിച്ചു

പന്തളം: നഗരസഭ ട്രാഫിക് അഡ്വൈസറി കമ്മിറ്റി നഗരത്തിലെ ഗതാഗത പരിഷ്കരണത്തെ പറ്റി നിർദേശങ്ങൾ സ്വീകരിച്ചു. സ്വകാര്യ വാഹനങ്ങൾ സ്​റ്റാൻഡിൽ വടക്ക് ഭാഗത്ത് പാർക്ക്​ ചെയ്യണം എന്ന നിർദേശം വന്നു. വാഹനങ്ങളിലെ വഴിയോര കച്ചവടങ്ങൾ മാർക്കറ്റിൽ ഉൾപ്പെടുത്തുക, എം.സി. റോഡിലെ സിഗ്​നൽ സംവിധാനത്തി​ൻെറ സമയം കൂട്ടുക, നഗരത്തിൽ 50 മീറ്റർ പരിധിക്കുള്ളിൽ പാർക്കിങ്​ പാടില്ല, സ്വകാര്യ ബസുകൾ സ്​റ്റാൻഡി​ൻെറ പടിഞ്ഞാറ് ഭാഗത്തുനിന്നും സ്​റ്റാൻഡിൽ കയറുകയും കിഴക്ക് ഭാഗത്ത് നിന്നും ഇറങ്ങുകയും ചെയ്യുന്ന സംവിധാനം, സ്വകാര്യ ബസുകൾ സ്​റ്റാൻഡിൽനിന്നു ഇറങ്ങിയാൽ നഗരത്തിൽ സ്​റ്റോപ് അനുവദിക്കരുത്, മെഡിക്കൽ മിഷൻ ജങ്​ഷനിൽ പൊലീസി​ൻെറ സേവനം മെച്ചപ്പെടുത്തുക തുടങ്ങി നിരവധി നിർദേശം യോഗത്തിൽ ഉയർന്നു. നഗരസഭ ചെയർ പേഴ്സൻ സുശീല സന്തോഷ് അധ്യക്ഷത വഹിച്ചു. ഡെപ്യൂട്ടി ചെയർപേഴ്സൻ യു. രമ്യ, സ്​റ്റാൻഡിങ്​ കമ്മിറ്റി ചെയർമാന്മാരായ അഡ്വ. രാധാകൃഷ്ണനുണ്ണിത്താൻ, ബെന്നി മാത്യു, കെ.സീന, രാധാ വിജയകുമാർ, കൗൺസിലർമാരായ ലസിതാ നായർ, കെ.ആർ. വിജയകുമാർ, കെ.ആർ. രവി, പന്തളം മഹേഷ് തുടങ്ങിയവർ പങ്കെടുത്തു. ഫോട്ടോ: പന്തളം നഗരസഭ ഹാളിൽ നടന്ന ട്രാഫിക് അഡ്വൈസറി കമ്മിറ്റി യോഗം