അധ്യാപകരെ ആദരിച്ചു

മല്ലപ്പള്ളി: കേരള ശാസ്ത്ര സാഹിത്യ പരിഷത്ത്​ മല്ലപ്പള്ളി മേഖലയുടെ ആഭിമുഖ്യത്തിൽ 'മക്കൾക്കൊപ്പം' പരിപാടിയിൽ റിസോഴ്സ് പേഴ്സണായി ക്ലാസുകൾ നയിച്ച 21 അധ്യാപകരെ അനുമോദിച്ചു. ബ്ലോക്ക്‌ പഞ്ചായത്ത്‌ പ്രസിഡൻറ്​ ബിന്ദു ചന്ദ്രമോഹൻ ഉദ്ഘാടനം ചെയ്തു. മേഖല പ്രസിഡൻറ്​ ജോയി ജോസഫ് അധ്യക്ഷതവഹിച്ചു. ഡോ.ആർ. വിജയമോഹൻ, പ്രവീൺ ചാലാപ്പള്ളി, അഡ്വ.ജിനോയ് ജോർജ്, ബി. വിനയസാഗർ, എ.കെ. പ്രകാശ് തുടങ്ങിയവർ സംസാരിച്ചു. റിസോഴ്സ് പേർസൻസിനുള്ള സർട്ടിഫിക്കറ്റ് വിതരണം ഉപജില്ല വിദ്യാഭ്യാസ ഓഫിസർ എം.ആർ. സുരേഷ് നിർവഹിച്ചു.