ദാനം നൽകിയ ഭൂമിയിൽ വീട്​ നിർമാണം തടസ്സപ്പെടുത്തുന്നതിൽ പ്രതിഷേധം

പത്തനംതിട്ട: റാന്നിയിൽ പട്ടികജാതിക്കാർക്ക്​ വീട്​ വെക്കുന്നതിന്​ സ്വകാര്യ വ്യക്തി ദാനമായി നൽകിയ ഭൂമിയിൽ വീട്​ വെക്കുന്നത്​ തടസ്സപ്പെടുത്തുന്നവർക്കെതിരെ പട്ടികജാതി-വർഗ പീഡന നിരോധന നിയമ​പ്രകാരം കേസെടുക്കണമെന്ന്​ വിവിധ ദലിത്​ ആദിവാസി സംഘടനകളുടെ ​സംയുക്ത യോഗം ആവശ്യപ്പെട്ടു. ദലിത്​ ആദിവാസി മുന്നേറ്റ സമിതി പ്രസിഡൻറ്​ ശ്രീരാമൻ കൊയ്യോൻ യോഗം ഉദ്​ഘാടനം ചെയ്​തു. സതീഷ്​ മല്ലശ്ശേരി അധ്യക്ഷതവഹിച്ചു. വീട്​ നിർമാണത്തിന്​ സാഹചര്യം ഒരുക്കണ​െമന്ന്​ ആവശ്യപ്പെട്ട്​​ 13ന്​ വിവിധ ദലിത്​ സംഘടനകളുടെ നേതൃത്വത്തിൽ റാന്നി ഡിവൈ.എസ്​.പി ഓഫിസിലേക്ക്​ മാർച്ച്​ നടത്താനും തീരുമാനിച്ചു. സെലീന പ്രക്കാനം, സി.പി. നാരായണൻ, സരോജിനി വാലുങ്കൽ, രാമചന്ദ്രൻ, രാജേന്ദ്രൻ, കെ.ആർ. മുരളി, കെ.എ. ​േരാഹിണി, രമണി, ഒ.എ. കുട്ടപ്പൻ എന്നിവർ സംസാരിച്ചു. MUST