ടാറിങ്ങിന്​ പിന്നാലെ വീണ്ടും പൈപ്പുപൊട്ടി

റാന്നി: പുനലൂര്‍-മൂവാറ്റുപുഴ സംസ്ഥാന പാതയില്‍ ടാറിങ്ങിന്​ പിന്നാലെ റാന്നി മിനി സിവിൽ സ്​റ്റേഷന്​ സമീപം വീണ്ടും കുടിവെള്ള വിതരണ പൈപ്പുപൊട്ടി. ഞായറാഴ്ച രാവിലെ പത്തോടെ തോട്ടമണ്ണിനുസമീപം മിനി സിവില്‍സ്​റ്റേഷനു മുന്നിലാണ് പൈപ്പുപൊട്ടിയത്. റോഡില്‍ നിറയെ പ്രളയംപോലെ വെള്ളം നിറഞ്ഞതോടെ യാത്രക്കാരും ബുദ്ധിമുട്ടിലായി. റോഡി​ൻെറ മധ്യഭാഗത്താണ് പൈപ്പ്​ പൊട്ടിയത്. സമീപത്ത് മറ്റൊരുഭാഗത്തും ഞായറാഴ്ച പൈപ്പ് പൊട്ടിയിരുന്നു. വെള്ളം റോഡില്‍ നിറഞ്ഞതോടെ ജലഅതോറിറ്റി അധികൃതര്‍ മെയിന്‍ പൈപ്പ്​ അടച്ചു. കൂറ്റന്‍ യന്ത്രങ്ങള്‍ ഉപയോഗിച്ച് ടാറിങ്ങ്​ നടത്തുന്നതോടെ പൈപ്പുകള്‍ പൊട്ടുന്നത് റാന്നിയില്‍ പതിവാകുകയാണ്​. Ptl rni - 1 Pipe ഫോട്ടോ: പുനലൂർ-മൂവാറ്റുപുഴ റോഡിൾ റാന്നി മിനി സിവിൽ സ്​റ്റേഷനു സമീപം ഞായറാഴ്ച രാവിലെ പൈപ്പ് പൊട്ടി വെള്ളം റോഡിൽ തളംകെട്ടിക്കിടക്കുന്നു