പന്തളത്ത്​ കോവിഡ് പരിശോധന നിർത്തി

പന്തളം: കോവിഡ് ചികിത്സാകേന്ദ്രത്തിലെ കോവിഡ് പരിശോധന നിർത്തി. കഴിഞ്ഞവർഷം ജൂ​െലെയിലാണ് പന്തളം അർച്ചന ആശുപത്രിയിൽ കോവിഡ് ചികിത്സയും പരിശോധനയും ആരംഭിച്ചത്. അർച്ചന ആശുപത്രിയിൽ പ്രവർത്തിച്ചിരുന്ന കോവിഡ് സൻെററിൽ ഉദ്യോഗസ്ഥരുടെ കുറവ് മൂലമാണ്​ കോവിഡ് പരിശോധന തിങ്കളാഴ്ച മുതൽ നിർത്തുന്നത്. സൗജന്യ കോവിഡ് പരിശോധനയ്ക്കായി പന്തളത്തെ ഏക സ്ഥാപനം ആയിരുന്നു ഇവിടെ പ്രവർത്തിച്ചിരുന്നത്. കോവിഡ് ബ്രിഗേഡ് നിർത്തിയതോടെ താൽക്കാലികമായി നിയമിച്ച ജീവനക്കാരെ പിരിച്ചുവിട്ടു. പന്തളത്തുകാർക്ക് ഇനിയും കോവിഡ് പരിശോധനക്ക് അടൂരിലെയോ പത്തനംതിട്ടയിലെയോ ജനറൽ ആശുപത്രികളെ ആശ്രയി​േക്കണ്ടിവരും.