അടൂർ ബൈപാസില്‍ കോഓപറേറ്റിവ് സീഫുഡ് റസ്​റ്റാറൻറ്​ തുറന്നു

*കേരളത്തില്‍ ആദ്യത്തേത് പത്തനംതിട്ട: അടൂര്‍ ബൈപാസില്‍ കോഓപറേറ്റിവ് സീഫുഡ് റസ്​റ്റാറൻഡ്​​ മന്ത്രി സജി ചെറിയാന്‍ ഉദ്ഘാടനം ചെയ്തു. ഫിഷറീസ് വകുപ്പി​ൻെറ പുതിയ ആശയമാണ് സീ ഫുഡ് റസ്​റ്റാറൻറ്. ആദ്യഘട്ടമായി ആയിരം പഞ്ചായത്തുകളില്‍ നടപ്പാക്കുകയാണ് ലക്ഷ്യം. ഇതിലൂടെ അഞ്ചുവര്‍ഷംകൊണ്ട് പരമാവധി ആളുകള്‍ക്ക് ജോലി നല്‍കാനും ഫിഷറീസ് വകുപ്പ് ലക്ഷ്യമിടുന്നുവെന്ന് മന്ത്രി പറഞ്ഞു. കേരളത്തില്‍ ആദ്യമായി സഹകരണ മേഖലയില്‍ ഫിഷറീസ് വകുപ്പുമായി സഹകരിച്ച് ശീതീകരിച്ച സീഫുഡ് റസ്​റ്റാറൻറാണ്​ അടൂര്‍ ബൈപാസില്‍ ആരംഭിച്ചത്. ഇവിടെനിന്ന് നവംബര്‍ ഒന്നിന് നിയമസഭയിലേക്ക് 500 ഫ്രൈഡ് റൈസ് മന്ത്രി ഓര്‍ഡര്‍ ചെയ്തു. ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ സീഫുഡ് എന്‍. ഗോപാലകൃഷ്ണന് നല്‍കി ആദ്യവില്‍പന നടത്തി. പറക്കോട് സര്‍വിസ് സഹകരണ ബാങ്ക് പ്രസിഡൻറ്​ അഡ്വ. ജോസ് കളീയ്ക്കല്‍ അധ്യക്ഷത വഹിച്ച ചടങ്ങില്‍ അടൂര്‍ നഗരസഭ ചെയര്‍മാന്‍ ഡി. സജി, ബ്ലോക്ക് പഞ്ചായത്ത് പ്രസിഡൻറ്​ ആര്‍. തുളസീധരന്‍ പിള്ള, ഏഴംകുളം ഗ്രാമപഞ്ചായത്ത് പ്രസിഡൻറ്​ വി.എസ്. ആശ, റോണി പാണംതുണ്ടില്‍, ടി. മനോജ്, എം.ജി. പ്രമീള, എം.ജി. രാംദാസ്, ജി.എസ്. രാജശ്രീ, കെ.പി. ഉദയഭാനു, എ.പി. ജയന്‍, ആര്‍. ഉണ്ണികൃഷ്ണപിള്ള, അഡ്വ. എസ്. മനോജ് എന്നിവര്‍ പങ്കെടുത്തു. ഫോട്ടോ അടിക്കുറിപ്പ്: PTL45seafood അടൂര്‍ ബൈപാസില്‍ കോഓപറേറ്റിവ് സീഫുഡ് റസ്​റ്റാറൻറ്​ ഉദ്ഘാടനം മന്ത്രി സജി ചെറിയാന്‍ നിര്‍വഹിക്കുന്നു