പിന്നാക്ക സംവരണം സ്വാഗതം ചെയ്തു

റാന്നി: മെഡിക്കൽ ഡൻെറൽ പി.ജിക്ക് പിന്നാക്ക സംവരണം ഒമ്പതിൽനിന്ന് 27 ശതമാനമായി ഉയർത്തിയ മന്ത്രിസഭ തീരുമാനം അഖില കേരള പണ്ഡിതർ മഹാജനസഭ സ്വാഗതം ചെയ്തു. ഈ അധ്യയന വർഷം തന്നെ മുഴുവൻ പ്രഫഷനൽ നോൺ പ്രഫഷനൽ കോഴ്സുകൾക്കും ഈ തീരുമാനം ബാധകമാക്കി അടിയന്തര ഉത്തരവിറക്കണമെന്ന് പണ്ഡിതർ മഹാജനസഭ പ്രസിഡൻറ് സി.ജി. ശശിചന്ദ്രൻ, ജനറൽ സെക്രട്ടറി ഷിജുകുമാർ എരുമേലി എന്നിവർ സർക്കാറിനോടാവശ്യപ്പെട്ടു. സംവരണവുമായി ബന്ധപ്പെട്ട് ഹൈകോടതിയിൽ നിലവിലുള്ള കേസുകളിൽ സർക്കാർ ഭാഗം സത്യവാങ്മൂലം നൽകുന്നതിന് മുമ്പ്​ പിന്നാക്ക ഹിന്ദുസംഘടനകളുമായും ഹരജിക്കാരുമായും ചർച്ച ചെയ്യണമെന്നും പണ്ഡിതര്‍ മഹാജനസഭ ആവശ്യപ്പെട്ടു.