സൗജന്യമായി നൽകിയ സ്ഥലത്ത് വീടുവെക്കുന്നത്​ തടസ്സപ്പെടുത്തുന്നതായി പരാതി

പത്തനംതിട്ട: പിന്നാക്ക കുടുംബങ്ങൾക്ക്​​ സൗജന്യമായി നൽകിയ സ്​ഥലത്ത്​ വീട്​ നിർമിക്കാൻ കോൺഗ്രസി​ൻെറ ചില പ്രാദേശികനേതാക്കൾ സമ്മതിക്കുന്നില്ലെന്ന്​ പരാതി. റിട്ടയർ എയർഫോഴ്​സ്​ ജീവനക്കാരനായ റാന്നി വലിയകാവ്​​ വല്യത്ത്​ വീട്ടിൽ വി.ടി. വർഗീസാണ്​ ത​ൻെറ കുടുംബ വസ്​തുവിൽനിന്ന്​ 26 സൻെറ്​ സ്​ഥലം പാവങ്ങളായ എട്ടുപേർക്ക്​ വീട്​ നിർമിക്കാൻ സൗജന്യമായി നൽകിയത്. പഴവങ്ങാടി പഞ്ചായത്തിൽ ഒന്നാം വാർഡിലെ മന്ദമരുതി വട്ടാർകയത്താണ്​ സ്​ഥലം നൽകിയത്​. സമീപത്ത്​ പഞ്ചായത്ത്​ കിണറുമുണ്ട്​. പിന്നാക്ക വിഭാഗത്തിൽപ്പെട്ട ആളുകൾക്ക്​ സ്​ഥലം കൊടുത്തതറിഞ്ഞ്​ ചില പ്രാദേശിക നേതാക്കൾ ഇവിടെ അവരെ താമസിക്കാൻ അനുവദിക്കില്ലെന്നും തന്നെ നിരന്തരം ഭീഷണിെപ്പടുത്തുന്നതായും വർഗീസ്​ വാർത്തസമ്മേളനത്തിൽ പറഞ്ഞു. അവർ നിരന്തരം പ്രശ്​നങ്ങൾ സൃഷ്​ടിച്ചു​െകാണ്ടിരിക്കുകയാണ്​. സമീപത്തെ റോഡ്​ ഗേറ്റ്​ സ്ഥാപിച്ച്​ അടക്കുകയും ചെയ്​തു. റാന്നി പൊലീസ്​, ജില്ല പൊലീസ്​ ചീഫ്​, ആർ.ഡി.ഒ എന്നിവർക്ക്​ പരാതി നൽകിയിട്ടും നടപടിയുണ്ടായില്ല. സൻെറിന് ​ഒന്നരലക്ഷം രൂപ വിലവരുന്ന വസ്​തുവാണ്​ ദാനമായി നൽകിയത്​. എയർഫോഴ്​സിൽ നിന്നും റിട്ടയർ ആയശേഷം ഏറെക്കാലം അമേരിക്കയിലായിരുന്നു വർഗീസ്​. 20 വർഷം മുമ്പ്​ വട്ടാർകയത്ത്​ ഒരു അംഗൻവാടിക്ക് അഞ്ച്​ സൻെറ്​ സ്​ഥലം സൗജന്യമായി നൽകിയിട്ട്​ ഇതുവരെ കെട്ടിടം നിർമിൻ പഞ്ചായത്തിന്​ കഴിഞ്ഞിട്ടില്ലെന്നും അദ്ദേഹം പറഞ്ഞു.