കടക്കാടി​െൻറ 'അത്രമാണ്ണൻ' യാത്രയായി

കടക്കാടി​ൻെറ 'അത്രമാണ്ണൻ' യാത്രയായി കടക്കാട്: കടക്കാടി​ൻെറ അത്രമാണ്ണൻ എന്ന അബ്‌ദുൽ റഹ്​മാൻ യാത്രയായി. പഴയ തലമുറക്ക്​ ഏറെ പ്രിയപ്പെട്ടയാളായിരുന്നു ഇദ്ദേഹം. വാർധക്യസഹജ രോഗത്താൽ കിടപ്പിലായിരുന്നു. 1980 കാലഘട്ടങ്ങളിൽ ഇദ്ദേഹത്തി​ൻെറ സൈക്കിൾ ഷോപ്പിൽനിന്ന്​ വാടകക്ക് എടുത്ത് സൈക്കിൾ ചവിട്ടിപ്പഠിക്കാത്തവരായി കടക്കാട്‌ ആരും ഉണ്ടാകില്ല. ഒരുരൂപ നിരക്കിൽ സൈക്കിൾ വാടക​ക്ക്​ നൽകിയിരുന്നു. കടക്കാട് മുസ്​ലിയാർ വീട്ടിൽ അബ്​ദുൽ റഹ്​മാന്​ സൈക്കിളിനോടുള്ള സ്നേഹം തുടങ്ങിയിട്ട്​ അഞ്ച് പതിറ്റാണ്ടിലേറെയായി. സൈക്കിൾ റിപ്പയറിങ് ഷോപ് നടത്തി എല്ലാ പന്തളം നിവാസികൾക്കും അദ്ദേഹം സുപരിചിതനായിരുന്നു. കടക്കാട് ഉള്ള എല്ലാ വീടി​ൻെറയും മേൽവിലാസവും പ്രദേശവാസികളുടെ പേരും വയസ്സും അദ്ദേഹത്തിന് മനഃപാഠമാണ്. എല്ലവരോടും എളിമയോടുള്ള സംസാര രീതിയും പെരുമാറ്റവും അദ്ദേഹത്തെ കടക്കാടി​ൻെറ സ്വന്തമാക്കി. സാമൂഹികപ്രവർത്തനത്തിലും അദ്ദേഹം മുൻപന്തിയിലായിരുന്നു. കടക്കാട് മുസ്​ലിം ജുമാമസ്ജിദി​ൻെറ കീഴിൽ നടക്കുന്ന മയ്യിത്ത് പരിപാലനത്തിലും സജീവമായിരുന്നു. തഴവ മുഹമ്മദ് കുഞ്ഞി മൗലവിയുടെ പദ്യങ്ങൾ മനഃപാഠമാക്കി വിവരിക്കുന്നതിൽ അഗ്രഗണ്യനായിരുന്നു. വൻ ജനാവലിയുടെ സാന്നിധ്യത്തിൽ ബുധനാഴ്ച ഉച്ചക്ക്​ കടക്കാട് മുസ്​ലിം ജുമാമസ്ജിദിൽ ഖബറടക്കി. ഫോട്ടോ .. അബ്​ദുൽ റഹ്​മാൻ