അങ്ങാടിയിൽ സംഘർഷം; ഒരാൾക്ക്​ കുത്തേറ്റു

റാന്നി: റാന്നി അങ്ങാടി പേട്ടയിൽ സംഘർഷത്തിനിടെ ഒരാൾക്ക്​ കുത്തേറ്റു. അങ്ങാടി വരവൂർ സ്വദേശി അനിലാണ് (45) കുത്തേറ്റത്. ഇദ്ദേഹത്തെ തിരുവല്ലയിലെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവവുമായി ബന്ധപ്പെട്ട് റാന്നി ചെത്തോങ്കര സ്വദേശി സന്തോഷിനെ റാന്നി പൊലീസ് അറസ്​റ്റ്​ ചെയ്തു. ഞായറാഴ്ച രാവിലെ 11ഓടെ പേട്ട തിയറ്ററിനു സമീപമാണ് സംഘർഷം നടന്നത്. പേട്ടയിലെ ഒരു കടയിൽ ഹാൻസ് വിൽക്കുന്നതുസംബന്ധിച്ച് സന്തോഷ് പറഞ്ഞത്രേ. ഇത് ചോദിക്കാനെത്തിയ അനിലും സംഘവും സന്തോഷുമായി തർക്കവും ഉന്തും തള്ളുമായി. പിന്നീട് തർക്കം മൂത്ത്​ ഇവർ സന്തോഷിനെ മർദിച്ചതായി പറയുന്നു. ഇതിൽ പ്രകോപിതനായി സന്തോഷ്​ അനിലിനെ കുത്തുകയായിരുന്നു. ഉടനെ പൊലീസെത്തി സന്തോഷിനെ കസ്​റ്റഡിയിലെടുത്തു. Ptl rni - 2 Anil ഫോട്ടോ: അങ്ങാടി പേട്ടയിൽ ഞായറാഴ്ച രാവിലെയുണ്ടായ സംഘർഷം