പന്തളത്ത്​ സിനിമ തിയറ്ററുകൾ തുറക്കുന്നത്​ ബുധനാഴ്ച

പന്തളം: കോവിഡ് പ്രതിസന്ധിയിൽ അടഞ്ഞ പന്തളത്തെ സിനിമ തിയറ്ററുകൾ ബുധനാഴ്ച തുറക്കുന്നതിനുള്ള തയാറെടുപ്പുകൾ തുടങ്ങി. സംസ്ഥാനത്ത് തിങ്കളാഴ്ച മുതൽ പകുതി സീറ്റുകളിൽ മാത്രം കാണികൾക്ക് ഇരിക്കാൻ അനുമതി നൽകി പ്രവേശനം തുടങ്ങാൻ തീരുമാനിച്ചെങ്കിലും പുതിയ സിനിമകൾ പന്തളത്തിന് ലഭിച്ചില്ല. അതുകൊണ്ടാണ് ബുധനാഴ്ച​േത്തക്ക്​ മാറ്റിയത്. ജീവനക്കാർ രണ്ട്​ ഡോസ്​ കോവിഡ് പ്രതിരോധ വാക്സിനെടുക്കണം. കാണികൾക്കും രണ്ട്​ ഡോസ് വാക്സിൻ നിർബന്ധമാക്കിയിട്ടുണ്ട്. പന്തളത്ത് ത്രിലോകിൽ മൂന്ന്​ തിയറ്ററുകളാണ്​ പ്രവർത്തിക്കുന്നത്.