പ്ലാ​േൻറഷൻ കോർപറേഷൻ ആനുകൂല്യങ്ങൾ നൽകണം

ptl th 1 കൊടുമൺ: സംസ്ഥാനത്തെ പ്ലാ​േൻറഷൻ കോർപറേഷനിൽ പണിയെടുക്കുന്ന 5000ൽപരം തൊഴിലാളികളുടെ 2019 ജനുവരി മുതൽ ലഭിക്കേണ്ട കൂലി വർധനവി​ൻെറ പൂർണമായ ആനുകൂല്യവും ബോണസി​ൻെറ ബാക്കി, മെഡിക്കൽ ആനുകൂല്യങ്ങൾ, വിവിധ വെൽഫെയർ ആനുകൂല്യങ്ങൾ എന്നിവ ഉടൻ നൽകണമെന്ന്​ പ്ലാ​േൻറഷൻ വർക്കേഴ്സ് കോൺഗ്രസ് (ഐ.എൻ.ടി.യു.സി) ജില്ല കമ്മിറ്റി ആവശ്യപ്പെട്ടു. യൂനിയ​ൻെറ നേതൃത്വത്തിൽ പണിമുടക്ക് നടത്തിയതിനെത്തുടർന്ന് 20 ദിവസത്തിനുള്ളിൽ തൊഴിലാളികളുടെ ആനുകൂല്യങ്ങൾ നൽകാൻ പാക്കേജ് ഉണ്ടാക്കാമെന്ന് കൃഷിമന്ത്രി ഉറപ്പ്​ നൽകിയതാണ്​. എന്നാൽ, ഒരുമാസം പിന്നിടുമ്പോഴും വാക്കുപാലിക്കാൻ തയാറായിട്ടില്ല. ശാശ്വതമായ പരിഹാരം ഉണ്ടാകാത്തപക്ഷം അനിശ്ചിതകാല പണിമുടക്ക് അടക്കമുള്ള സമരപരിപാടികൾ നടത്തുമെന്ന്​ പ്ലാ​േൻറഷൻ വർക്കേഴ്സ് കോൺഗ്രസ് ജില്ല കമ്മിറ്റി അറിയിച്ചു. യോഗത്തിൽ ജില്ല പ്രസിഡൻറ്​ കൊടുമൺ ജി. ഗോപിനാഥൻ നായർ അധ്യക്ഷത വഹിച്ചു. പി. മോഹൻരാജ്, അങ്ങാടിക്കൽ വിജയകുമാർ, ആർ. സുകുമാരൻ നായർ, സജി കെ. സൈമൺ, സി.ജി. അജയൻ, സജി വകയാർ, സിജോയ് വി. ജോൺ തുടങ്ങിയവർ സംസാരിച്ചു.