സി.പി.എം ലോക്കൽ സമ്മേളനങ്ങൾ നാളെ തുടങ്ങും

കോന്നി: സി.പി.എം കോന്നി ഏരിയ പരിധിയിൽ വരുന്ന ലോക്കൽ സമ്മേളനങ്ങൾ നാളെ ആരംഭിക്കും. ആദ്യം നടക്കുന്നത് കോന്നി ലോക്കൽ സമ്മേളനമാണ്. തുടർന്ന് അരുവാപ്പുലം കല്ലേലി, ഐരവൺ, കോന്നിതാഴം, മലയാലപ്പുഴ, വെട്ടൂർ, പ്രമാടം, വി-കോട്ടയം, വള്ളിക്കോട്, കൊക്കാത്തോട് സമ്മേളനത്തോടെ ലോക്കൽ സമ്മേളനങ്ങൾ അവസാനിക്കും. ഡിസംബർ നാല്, അഞ്ച് തീയതികളിലായി ഏരിയ സമ്മേളനം നടക്കും. ഇപ്പോൾ അവസാനിച്ച ബ്രാഞ്ച്​ സമ്മേളനങ്ങളിൽ 16 വനിതകൾ ബ്രാഞ്ച് സെക്രട്ടറിമാരായി തെരഞ്ഞെടുക്കപ്പെട്ടു. പെരുനാട് ഏരിയ കമ്മിറ്റിയുടെ പരിധിയിലെ തണ്ണിത്തോട് ലോക്കൽ മേഖലയിലെ ബ്രാഞ്ച് സമ്മേളനങ്ങളിൽ കോന്നി എം.എൽ.എ ജനീഷ് കുമാറിനെതിരെ വലിയ ചർച്ച ഉണ്ടായി. കൂടാതെ ലോക്കൽ കമ്മിറ്റി ഓഫിസി​ൻെറ മേൽക്കൂര പണിയുന്നതിനായി പണംപിരിച്ചശേഷം മേൽക്കൂര പണിയാത്തതും ബ്രാഞ്ച് സമ്മേളനങ്ങളിൽ ചർച്ചയായി.